RUHAGOYACU.com

Real vs Man United: Amakuru avugwa mu makipe yombi mbere ya UEFA Super Cup

Manchester United yegukanye Europa League na Real Madrid yatwaye UEFA Champions League zirahurira mu mukino wa UEFA Super Cup kuri uyu wa Kabiri, i Skopje muri Macedonia.

Uyu mukino urabera kuri National Arena Filip II, uratangira saa 20:45, urahuza aya makipe afitanye amateka akomeye mu myaka yashize.

Ku ruhande rw’ikipe ya Real Madrid, Cristiano Ronaldo yatangiye imyitozo kuwa Gatandatu w’icyumweru gishize ndetse ari muri 24 bajyanywe kuri uyu mukino n’ubwo bishoboka ko atabanza mu kibuga nyuma yo kumara igihe kinini mu biruhuko ubwo yari avuye mu gikombe mpuzamigabane hamwe n’ikipe y’igihugu cye cya Portugal.

Ku ruhande rw’ikipe ya Manchester United, umutoza Mourinho yatangaje ko Nemanja Matic ari mu bifashishwa muri uyu mukino, ariko bigoye ko yakina iminota 90 yose kuko ataramenyera nk’abandi.

Mourinho arahura na Real yatoje, Ronaldo ahura na United yakiniye mu gihe Zidane ashobora umutoza wa mbere utwaye Super Cup yikurikiranya kuva mu 1990 bikozwe na Milan ACMourinho arahura na Real yatoje, Ronaldo ahura na United yakiniye mu gihe Zidane ashobora umutoza wa mbere utwaye Super Cup yikurikiranya kuva mu 1990 bikozwe na Milan AC

Iyi kipe yo mu Bwongereza irakina uyu mukino idafite abakinnyi barimo Eric Bailly usiba umukino wa kabiri muri itatu yahanwe ubwo yabonaga ikarita itukura ku mukino wa 1/2 cya Europa League bahuyemo na Anderlecht, ndetse na Phil Jones na we wahanwe imikino ibiri na UEFA.

Luke Shaw, Marcos Rojo na Ashley Young baracyafite imvune z’igihe kirekire muri yi kipe ya Manchester United, bivuze ko na bo bataza gukina kuri uyu wa Kabiri.

Manchester United ifite igikombe kimwe cya UEFA Super Cup nyuma yo gutsinda Red Star Belgrade igitego 1-0 mu 1991 mu gihe Liverpool ari yo kipe yo mu Bwongereza imaze kwegukana iri rushanwa inshuro nyinshi (3).

  • Jose Mourinho amaze gutakaza iki gikombe inshuro ebyiri; hamwe na Chelsea mu 2013 ndetse na Porto mu 2003 mu gihe nta mutoza urabura iyi Super Cup inshuro eshatu.
  • Uyu mutoza akaba ari we wa mbere ugiye gutoza amakipe atatu atandukanye, agakina umukino wa UEFA Super Cup.
  • Amakipe yo muri Espagne yegukanye ibikombe 7 mu nshuro 8 ziheruka muri UEFA Super Cup.
  • Ikipe iheruka gutwara Europa League, ikanatwara Super Cup ni Atletico Madrid ubwo yatsindaga Chelsea ibitego 4-1 muri 2012.
  • Amakipe ya FC Barcelone na AC Milan niyo amaze kwegukana iki gikombe inshuro nyinshi (5) mu gihe Real Madrid igifite inshuro eshatu.
  • Iyi ni inshuro ya gatandatu ikipe ya Real Madrid igiye gukina Super Cup, aho mu nshuro 5 ziheruka, yatsinzemo eshatu, mu gihe yabanje gutsindwa ebyiri zibanza.
  • Real Madrid irashaka kuba ikipe ya mbere itwaye iki gikombe yikurikiranya, kuva bikozwe na Milan AC mu 1989 no mu 1990.
  • Cristiano Ronaldo yatsinze ibitego 108 mu mikino y’i Burayi, ibi birimo ibitego bibiri muri UEFA Super Cup.

Abashobora kubanzamo ku mpande zombi:

Real Madrid: Navas; Carvajal, Varane, Ramos, Marcelo; Casemiro, Modric, Kroos; Isco, Benzema, Bale.

Manchester United: De Gea; Valencia, Smalling, Lindelof, Blind; Matic, Herrera, Pogba; Mkhitaryan, Lukaku, Rashford.

Map : Ahabanza  \  Burayi  \  Ibikombe bya UEFA

Izindi nkuru

manzi Kuya 8-08-2017 saa 13:48'

man u irakora akaxi uyumunsi


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe
    Igitekerezo cyawe kigaragara nyuma y'isuzuma rikorwa na RuhagoYacu.com
    Iyo igitekerezo cyawe kitajyanye nâ€â„¢inkuru cyangwa gitandukiriye amahame agenga abasiporitifu kirasibwa.
    Murakoze!