RUHAGOYACU.com

Ronaldo, Messi na Buffon bahataniye kuvamo uwahize abandi i Burayi- 3 ba United muri Europa

Abakinnyi batatu bazavamo uwahize abandi ku mugabane w’u Burayi mu mwaka ushize w’imikino 2016/17, bamaze kumenyekana; ni Cristiano Ronaldo wa Real Madrid, Lionel Messi wa Barcelone na Gianluigi Buffon wa Juventus.

Iki gihembo kizatangirwa i Monaco tariki ya 24 z’uku kwezi kwa munani ubwo hazaba hakorwa tombola y’uburyo amakipe azahura mu matsinda ya UEFA Champions League..

Uru rutonde rwa batatu ba nyuma rwakozwe hagendewe ku majwi yavuye ku batoza 80 b’amakipe yakinnye muri Champions League na Europa League ndetse n’abanyamakuru 50 batoranyijwe n’ikigo gishinzwe itangazamakuru ry’imikino i Burayi muri buri gihugu.

Abatoza bakaba batari bemerewe gutora ku bakinnyi bava mu makipe batoza.

Abandi bakinnyi baje mu 10 ba mbere

  • 4: Luka Modrić (Croatia, Real Madrid)
  • 5: Toni Kroos (Germany, Real Madrid)
  • 6: Paulo Dybala (Argentina, Juventus)
  • 7: Sergio Ramos (Spain, Real Madrid)
  • 8: Kylian Mbappé (France, Monaco)
  • 9: Robert Lewandowski (Poland, Bayern München)
  • 10: Zlatan Ibrahimović (Sweden, Manchester United)

Messi na Ronaldo begukanye iki gikombe inshuro ebyiri; Messi mu 2010/11 na 2014/15 mu gihe Ronaldo yagitwaye mu 2013/14 na 2015/16.

Abandi bagitwaye ni Andrés Iniesta (Spain, Barcelona) mu 2011/12 na Franck Ribéry (France, Bayern München) mu 2012/13.

Ubwo hazaba hatangwa ibihembo, hazanatangazwa umunyezamu w’umwaka, myugariro w’umwaka, umukinnyi wo hagati w’umwaka na rutahizamu w’umwaka i Burayi.

Ku munsi uzakurikiraho, nibwo hazaba tombola ya Europa League, hanatangazwe umukinnyi w’umwaka muri iri rushanwa hagati ya batatu bakinira Manchester United; Zlatan Ibrahimović, Henrikh Mkhitaryan na Paul Pogba.

Map : Ahabanza  \  Burayi  \  Ibikombe bya UEFA

Ibitekerezo byatanzwe kuri iy'inkuru

  1. SWHGK

    Kuya 17-08-2017 saa 08:49'

    yewe karenzi fungura amaso urebe niyo wakanga umuntu emera ko hari ibyo ashoboye byananiye abandi.
    Ronaldo aragitwara abandi sinzi n’impamvu bashyizwe muri batatu bamuherekeje

  2. Mn

    Kuya 16-08-2017 saa 12:46'

    Iki nicya Cr7

  3. franck rwigema

    Kuya 15-08-2017 saa 22:37'

    rwose igikombe nicya ronaldo

  4. Ferdinand alias warege Mister one felus

    Kuya 15-08-2017 saa 21:56'

    uyumuntu avuga yuko Ronaldo atagikwiye numusazi. you are foolish. nibamuhe ningoga igihembo ciwe yaragikoreye.CR7

  5. karenzi

    Kuya 15-08-2017 saa 17:19'

    Buffon aragikwiye kuko byibura ni discipline. Ronardo rwose ararambiranye na discipline nkeya imuranga. Messi ntiyagaragaye cyane muri 2016/2017 season. Mbese amahirwe masa muri Buffon wa Juventus


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru