RUHAGOYACU.com

UEFA Champions League: Ibyo wamenya ku mukino wa Barcelone na Juventus n’iyindi mikino iteganyijwe

Irushanwa rya UEFA Champions League mu mwaka w’imikino 2017/18 riratangira kuri uyu wa Kabiri saa 20:45, hakinwa imikino yo kuva mu itsinda A kugeza ku mu itsinda D mu gihe ayandi matsinda azakina ejo kuwa Gatatu.

Umukino utegerejwe na benshi mu mikino iba kuri uyu wa Kabiri ni uraza guhuza ikipe ya FC Barcelone na Juventus amakipe yombi yahuriye mu itsinda rimwe uyu mwaka.

Uyu mukino wo mu itsinda D urabera i Camp Nou ku kibuga cya FC Barcelone, aho Juventus yageze ku mukino wa nyuma w’iri rushanwa mu mwaka ushize igatsindwa 4-1 na Real Madrid iraza kuba idafite abakinnyi bayo bari mu mvune nka:Giorgio Chiellini, Sami Khedira, Claudio Marchisio, Benedikt Howedes, Mario Mandzukic naho Juan Cuadrado we ntiyemerewe gukina uyu mukino.

Ni ku nshuro ya 18 iyi kipe yo mu Butaliyani ikina Champions League, ikaba ari yo imaze kwitabira iri rushanwa kenshi kurusha ayandi makipe bava mu gihugu kimwe, inshuro imwe mbere ya Milan AC imaze kwitabira iri rushanwa inshuro 17. Juventus ntiregukana iri rushanwa kuva mu 1996.

Juventus yageze muri Espagne kuwa Mbere mbere yo gukina na FC BarceloneJuventus yageze muri Espagne kuwa Mbere mbere yo gukina na FC Barcelone

Barcelone yatsinze Juventus ibitego 3-1 ku mukino wa nyuma mu 2015, yasezerewe n’iyi kipe yo mu Butaliyani ku 3-0 muri 1/4 mu mwaka ushize w’imikino, irakina umukino idafite Rafinha, ukiri gukira imvune yagize mu mwaka ushize w’imikino.

Ikipe ya FC Barcelone iyoboye shampiyona ya Espagne nyuma yo gutsinda imikino itatu yose ibanza, ibi byaherukaga mu 2013/14 ubwo batozwaga na Luis Henrique mu mwaka we wa mbere.

Imikino iteganyijwe kuri uyu wa Kabiri (saa 20:45)

Itsinda A

Manchester United vs Basel

Benfica vs CSKA Moscow

Itsinda B

Celtic vs Paris Saint-Germain

Bayern Munich vs Anderlecht

Itsinda C

Roma vs Atletico

Chelsea vs Qarabag

Itsinda D

Olympiacos vs Sporting CP

Barcelona v s Juventus

Kuwa Gatatu

Itsinda H

Tottenham vs Borussia Dortmund

Real Madrid vs APOEL

Itsinda G

FC Porto vs Besiktas

RB Leipzig vs As Monaco

Itsinda F

Shakhtar Donetsk vs Napoli

Feyenoord vs Manchester City

Itsinda E

Liverpool vs Sevilla

Maribor vs Spartak Moscow

Map : Ahabanza  \  Burayi  \  Ibikombe bya UEFA

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru