RUHAGOYACU.com

UEFA CL: Abakinnyi ba Juventus bashyiriweho akayabo ngo bazatsinde Real Madrid ku mukino wa nyuma

Nyuma y’imyaka 21 ikipe ya Juventus de Turin idatwara igikombe cy’amakipe yabaye aya mbere ku mugabane w’u Burayi, umuyobozi w’iyi kipe Andrea Agnelli akomeje gukora ibishoboka byose ngo ikipe ye yongere kwegukana iki gikombe, atanga uduhimbazamusyi dutandukanye ku mukino wa nyuma.

Juventus iheruka kwegukana iri rushanwa rya UEFA champions League mu 1984-5 no mu 1995-96, aho ikomeje gushaka igikombe cya gatatu.

Mbere y’umukino wa nyuma w’iri rushanwa muri uyu mwaka w’imikino 2016/17, umukino uzaba kuwa Gatandatu w’iki cyumweru i Cardiff, Andrea Agnelli yashyiriyeho abakinnyi agahimbazamusyi k’ama-euro 350,000 (€350,000) nibaramuka babashije gutsinda Real Madrid bazahurira ku mukino wa nyuma bakegukana iri rushanwa.

Aka gahimbazamusyi kakaba kiyongereyeho ibihumbi 50,000 ugereranyije n’ayo uyu muyobozi yari yategeye buri mukinnyi wa Juventus mu 2015 ubwo na none bageraga ku mukino wanyuma wa UEFA Champions League bagatsindwa na FC Barcelone ibitego 3-1.

Muri rusange, umuyobozi wa Juventus; Agnelli azishyura agera kuri miliyoni 9 z’ama-euro (€9,000,000) ku bakinnyi 26 ba Juventus igihe baba babashije kubona iyi intsinzi ikabahesha igikombe cya gatatu muri uyu mwaka w’imikino.

Juventus yegukanye ibikombe bibiri bikinirwa mu Butaliyani muri uyu mwaka w’imikino; ibi birimo shampiyona begukanaga ku nshuro ya gatandatu yikurikiranye ndetse na Copa Italia ya 12 mu mateka yabo kuri iyi kipe iri gutozwa na Max Allegri.

Map : Ahabanza  \  Burayi  \  Ibikombe bya UEFA

Ibitekerezo byatanzwe kuri iy'inkuru

  1. Pisco

    Kuya 1-06-2017 saa 10:55'

    Ibyo bintu yakabikoze nyuma ya match kuko bishyira abakinnyi kugitutu cy ifaranga bakiyahura nyamara adveriseur we atuje akagutsinda!

  2. RUKUNDO Oliver

    Kuya 1-06-2017 saa 10:55'

    Juventus tuzayikosora kabisa

  3. pascal

    Kuya 1-06-2017 saa 09:07'

    birashoboka ariko biragoye ’’baravuga ngo ntayitinya itarungurutse.’’


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru