RUHAGOYACU.com

UEFA CL: Juventus yahagamwe na Tottenham, Man City yihaniza FC Basel

Imikino ibiri yabimburiye iyindi ya 1/8 muri UEFA Champions League, isize ikipe ya Mancheter City yiyongereye icyizere cyo kugera muri 1/4, itsinda FC Basel iwayo ibitego 4-0 mu gihe umukino wariwitezwe na benshi kuri uyu wa Kabiri warangiye Juventus iganyije na Tottenham ibitego 2-2.

Ni imikino ihuza amakipe yabaye aya mbere iwayo ku mugabane w’Uburayi, igeze muri 1/8, aho amakipe ari gukina imikino ibanza.

Juventus yanganyije na Tottenham

Nubwo intagiriro z’umukino zabaye nziza ku ruhande rw’iyi kipe yo mu Butaliyani yari mu rugo, itsinda ibitego bibiri byabonetse hakiri kare, ku munota wa kabiri ubwo Gonzalo Higuain yafunguraga amazamu ku mupira wari uvuye kuri coup-franc ndetse n’igitego cya kabiri cyaturutse kuri penaliti yakozwe na Ben Davies ku munota wa cyenda, Tottenham yishyuye ibitego byombi, amakipe yombi aranganya.

Iminota icyenda yari ihagije ngo Juventus ibe imaze gutsinda ibitego 2-0, birimo n'iki cya kabiri kuri penaliti ya HiguainIminota icyenda yari ihagije ngo Juventus ibe imaze gutsinda ibitego 2-0, birimo n’iki cya kabiri kuri penaliti ya Higuain
Gonzalo Higuain yatsinze ibitego bibiri byahaye Juve kuyobora umukino hakiri kareGonzalo Higuain yatsinze ibitego bibiri byahaye Juve kuyobora umukino hakiri kare

Tottenham yabaye nk’ikangutse ubwo yari imaze kwinjizwa ibitego byombi, yatangiye gusatira ndetse bitanga umusaruro ku munota wa 35 w’umukino ubwo Harry Kane yishyuraga igitego cya mbere ku mupira mwiza yahawe na Delle Ali, acenga umuzamu Buffon mbere yo gutera umupira mu izamu ryambaye ubusa.

Mu minota y’inyongera y’igice cya mbere, Juventus yabonye indi penaliti ubwo Serge Aurier yakoreraga ikosa kuri Douglas Costa,akamutegera mu rubuga rw’amahina, maze na yo ihabwa Gonzalo Higuain wayiteye umutambiko w’izamu, amakipe yombi ajya kuruhuka Juventus iri imbere n’ibitego 2-1.

Harry Kane yishyuriye Spurs igitego kimwe cyayigaruriye imbargaHarry Kane yishyuriye Spurs igitego kimwe cyayigaruriye imbarga

Amakipe yombi yakomeje gukina umukino wo gusatirana bikomeye, ibi byaje gutanga umusaruro ku ruhande rwa Tottenham, kuri Coup-franc babonye ku munota wa 72 w’umukino, yinjizwa neza na Christian Eriksen ku mupira yateye ukagenda hasi, maze umunyezamu Buffon ntiyabasha kuwugarura.

Juventus: Buffon; De Sciglio, Benatia, Chiellini, Alex Sandro; Khedira (Bentancur 66), Pjanic; Bernardeschi, Douglas Costa (Asamoah 90), Mandzukic (Sturaro 76); Higuain.

Abasimbura batakoreshejwe: Szczesny, Rugan, Marchisio, Muratore.

Tottenham: Lloris; Aurier, Sanchez, Vertonghen, Davies; Dier, Dembele; Eriksen (Wanyama 90), Dele (Son Heung-Min 85), Lamela (Lucas 89); Kane.

Abasimbura batakoreshejwe: Gazzaniga, Trippier, Rose, Sissoko.

Mbere y'uko igice cya mbere kirangira, Juve yabonye penaliti ku ikosa Aurier yakoreye kuri Douglas Costa....Mbere y’uko igice cya mbere kirangira, Juve yabonye penaliti ku ikosa Aurier yakoreye kuri Douglas Costa....
Ku bw'amahirwe make ya Juve, Higuain umupira awuteye ugonga umutambiko ugaruka mu kibugaKu bw’amahirwe make ya Juve, Higuain umupira awuteye ugonga umutambiko ugaruka mu kibuga
Eriksen yishyuriye Spurs igitego cya kabiri kuri coup-francEriksen yishyuriye Spurs igitego cya kabiri kuri coup-franc
Tottenham izakira umukino wo kwishyura mu kwezi gutaha mu BwongerezaTottenham izakira umukino wo kwishyura mu kwezi gutaha mu Bwongereza

Manchester City iteye intambwe igana muri 1/4

Nubwo hakiri undi mukino wo kwishyura ku makipe yombi, Manchester City yatsinze FC Basel ibitego 4-0 iyisanze iwayo, yiyongerera amahirwe yo gukomeza muri 1/4.

Ilkay Guendogan, Bernardo Silva na Sergio Aguero batsinze ibitego bya Manchester City byabonetse mu gice cya mbere cy’umukino mbere y’uko Ilkay Guendogan atsinda ikindi gitego mu gice cya a kabiri.

Gueondogan yafashije Manchester City kwitara neza muri uyu mukino ubanzaGueondogan yafashije Manchester City kwitara neza muri uyu mukino ubanza
Sterling, Guendogan na Bernardo Silva bishimira igitego cya Manchester CitySterling, Guendogan na Bernardo Silva bishimira igitego cya Manchester City

Gahunda ya 1/8 ya UEFA Champions League (imikino ibanza)

Kuwa Kabiri

  • FC Basel 0-4 Manchester City
  • Juventus 2-2 Tottenham

Kuwa Gatatu (saa 21:45)

  • FC Porto vs Liverpool
  • Real Madrid vs Paris Saint-Germain

Tariki ya 20 Gashyantare 2018

  • Bayern Munich vs Besiktas
  • Chelsea vs FC Barcelone

Tariki ya 21 Gashyantare 2018

  • Seville vs Manchester United
  • Shakhtar Donetsk vs AS Roma
Map : Ahabanza  \  Burayi  \  Ibikombe bya UEFA

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru