RUHAGOYACU.com

UEFA CL: Ronaldo yafashije Real Madrid gutsinda PSG, Liverpool inyagira FC Porto

Umukino wari witezwe na benshi mu mikino ya 1/18 ibanza ya UEFA Champions League hagati y’ikipe ya Real Madrid na Paris Saint-Germain kuri uyu wa Gatatu warangiye ikipe ya Real Madrid yari mu rugo, ibyitwayemo neza, itsinda PSG ibitego 3-1 birimo ibitego bibiri bya Cristiano Ronaldo.

Real Madrid: Navas, Nacho, Varane, Ramos, Marcelo, Modric, Casemiro (Vazquez 79’), Kroos, Isco (Asensio 79’), Benzema (Bale 68’), Ronaldo.

Abasimbura batakoreshejwe: Casilla, Hernandez, Hakimi, Asensio, Kovacic

Umutoza: Zinedine Zidane.

PSG: Areola, Alves, Marquinhos, Kimpembe, Berchiche, Verratti, Lo Celso (Draxler 84’), Rabiot, Mbappe, Cavani (Meunier 66’), Neymar

Abasimbura batakoreshejwe: Trapp, Silva, Di Maria, Diarra, Draxler, Pastore.

Umutoza: Unai Emery.

Adrian Rabiot yafunguye amazamu ku ruhande rwa PSGAdrian Rabiot yafunguye amazamu ku ruhande rwa PSG
Real Madrid yahushije uburyo bwinshi bw'ibitego- Yagowe n'umunyezamu AreolaReal Madrid yahushije uburyo bwinshi bw’ibitego- Yagowe n’umunyezamu Areola
Neymar yahawe ikarita y'umuhondo nyuma yo gukinira nabi NachoNeymar yahawe ikarita y’umuhondo nyuma yo gukinira nabi Nacho

Real Madrid yatangiye umukino neza, gusa ihusha uburyo butandukanye bwari kuyihesha kuyobora umukino hakiri kare mu gihe Paris Saint-Germain yafunguye amazamu ku munota wa 33 w’umukino, igitego cyatsinzwe na Adrien Rabiot nyuma yo kuzamukira mu ruhande rw’iburyo kw’iyi kipe yo mu Bufaransa.

Mbere y’uko amakipe yombi ajya kuruhuka, Real Madrid yishyuriwe na Cristiano Ronaldo, igitego yatsinze kuri penaliti ubwo Giovani Lo Celso yari amaze kugusha Toni Kroos mu rubuga rw’amahina, amuturutse inyuma.

Ku ikosa ryakorewe kuri Toni Kroos....Ku ikosa ryakorewe kuri Toni Kroos....
Real Madrid yabonye penaliti yatsinzwe neza na RonaldoReal Madrid yabonye penaliti yatsinzwe neza na Ronaldo

Nyuma yo gukora impinduka ku mutoza Zindedine Zidane, akinjizamo abakinnyi barimo Gareth Bale na Asensio, Real Madrid yihariye umukino ndetse itsinda igitego cya kabiri kuri Cristiano Ronaldo ku munota wa 83 mbere y’uko Asensio atanga undi mupira mwiza wavuyemo igitego cya gatatu cyatsinzwe na Marcelo ku munota wa 86 w’umukino, umukino urangira ari ibitego 3-1.

Ronaldo yatsindiye Real Madrid igitego cya kabiri ku munota wa 83Ronaldo yatsindiye Real Madrid igitego cya kabiri ku munota wa 83
Marcelo atsinda igitego cya gatatu, gifasha Real Madrid kugira impamba izajyana mu mukino wo kwishyura uzabera mu Bufaransa mu kwezi gutahaMarcelo atsinda igitego cya gatatu, gifasha Real Madrid kugira impamba izajyana mu mukino wo kwishyura uzabera mu Bufaransa mu kwezi gutaha
Unai Emery utoza PSG na Zidane utoza Real basuhuzanya mbere y'umukinoUnai Emery utoza PSG na Zidane utoza Real basuhuzanya mbere y’umukino

Mu wundi mukino wa 1/8 ubanza wabaye kuri uyu munsi, Liverpool yasanze FC Porto iwayo, iyihatsindira ibitego 5-0 birimo bitatu bya Sadio Mane, icya Mohamed Salah n’ikindi cya Roberto Firmino.

Gahunda ya 1/8 ya UEFA Champions League (imikino ibanza)

Kuwa Kabiri

  • FC Basel 0-4 Manchester City
  • Juventus 2-2 Tottenham

Kuwa Gatatu

  • FC Porto 0-5 Liverpool
  • Real Madrid 3-1 Paris Saint-Germain

Tariki ya 20 Gashyantare 2018

  • Bayern Munich vs Besiktas
  • Chelsea vs FC Barcelone

Tariki ya 21 Gashyantare 2018

  • Seville vs Manchester United
  • Shakhtar Donetsk vs AS Roma
Map : Ahabanza  \  Burayi  \  Ibikombe bya UEFA

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru