RUHAGOYACU.com

UEFA CL: Walcott yacunguye Arsenal, Bayern itsindirwa muri Espagne

Ibitego bya Theo Walcott byafashije ikipe ya Arsenal gutsinda Basel ibitego 2-0 mu mukino wa kabiri wo mu itsinda rya mbere rya Uefa Champions League, imikino yari yakomeje kuri uyu wa Gatatu.

Muri uyu mukino wabereye kuri Emirates Stadium, byasabye Arsenal iminota itandatu gusa ango ifungure amazamu ku gitego cyatsinzwe na Walcott n’umutwe, ku kazi kakozwe na Alexis Sanchez.

Ku munota wa 26 w’umukino, aba bakinnyi bimbi bongeye guhuza, ndetse Walcott atsindira Arsenal igitego cya kabiri.

Thomas Vaclik, umuzamu wa Basel yabereye ibamba abakinnyi ba Arsenal, abuza Sanchez na Hector Bellerin gutsinda mu gihe Birkir Bjarnason yabuze amahirwe yo gutsindira ikipe ye.

Mu wundi mukino wabaye muri iri tsinda rya mbere, Ludogoretz Razgard yari yakiriye PSG, itsindwa ibitego 3-1. Natanael yari yafunguye amazamu ku ruhande rw’ikipe yakiriye, ariko Blaise Matuidi na Edinson Cavani watsinze ibitego bibiri, bahesha iyi kipe yo mu Bufaransa gutahukana intsinzi.

Mu itsinda C, Barcelone yari yatsinzwe igitego ku munota wa 35 w’umukino na Thorgan Hazard bakina na Borussia Moenchengladbach, yishyuriwe na Arda Turan mbere yuko itsindwa na Gerard Pique ku munota wa 65 n’uwa 74, ihikura ku ntsinzi y’ibitego 2-1. Muri iri tsinda kandi, Manchester City yaganyirije kwa Celtic ibitego 3-3.

Mu itsinda D, Atletico Madrid yari yakiriye Bayern Munich, iyitsinda igitego 1-0 cya Yannick Ferreira-Carrasco ku munota wa 35 w’umukino mu gihe Antoine Griezmann yanahushije penaliti mu gice cya kabiri cy’umukino.

Imikino yaraye ibaye:

Itsinda A

  • Arsenal 2 - 0 Basel
  • Ludogorets Razgrad 1 - 3 Paris Saint Germain

Itsinda B

  • Besiktas 1 - 1 Dynamo Kyiv
  • SSC Napoli 4 - 2 Benfica

Itsinda C

  • Borussia Moenchengladbach 1 - 2 Barcelona
  • Celtic 3 - 3 Manchester City

Itsinda D

  • Atletico Madrid 1 - 0 Bayern Munich
  • FC Rostov 2 - 2 PSV Eindhoven
Map : Ahabanza  \  Burayi  \  Ibikombe bya UEFA

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru