RUHAGOYACU.com

Uko amakipe agabanyije mu dukangara mbere ya tombola ya UEFA Champions League n’uko ashobora gutombora

Kuri uyu wa Kane saa 18:00 i Monaco mu Bufaransa, harabera tombora y’amatsinda ya UEFA Champions League mu mwaka w’imikino 2017/18.

Nk’uko bisanzwe, iyi tombola y’amakipe yitabirwa n’amakipe 32, akagabanywa mu matsinda 8 rimwe rigizwen’amakipe 4.

Uyu mwaka, aya makipe 32 araza kuba avuye mu bihugu 17 ku mugabane w’u Burayi.

Aya makipe yagabanyijwe mu dukangara 4, hagendewe ku buryo ahagaze, aho mu gakangara ka mbere harimo Real Madrid ifite igikombe giheruka, ndetse n’andi makipe 7 yatwaye ibikombe muri shampiyona zo mu bihugu 7 bya mbere i Burayi.

Utundi dukangara, amakipe ashyirwamo bigendanye n’uburyo yitwaye muri shampiyona z’iwabo ndetse n’amanota yagiye abona mu marushwan y’i Burayi aheruka, bitewe n’aho yagiye agera.

Uko amakipe agabanyije mu dukangara:

Agakangara ka 1: Real Madrid, Bayern Munich, Chelsea, Juventus, Benfica, Monaco, Spartak Moscow, Shakhtar Donetsk .

Agakangara ka 2: Barcelona, Atletico Madrid, PSG, Borussia Dortmund, Sevilla, Manchester City, Porto, Manchester United.


Agakangara ka 3:
Napoli, Tottenham, Basel, Olympiakos, Anderlecht, Liverpool, Roma, Besiktas

Agakangara ka 4: Celtic, CSKA Moscow, Sporting Lisbon, APOEL, Feyenoord, Maribor, Qarabag, RB Leipzig.

Uko tombola iraza gukorwa:

Muri iki cyiciro cyo gutombora amatsinda, nta makipe yo mu gakangara kamwe atomborana, kimwe n’uko nta makipe yo mu gihugu kimwe atomborana muri iki cyiciro.

Urugero rw’uko amakipe yo mu Bwongereza ashobora gutombora

....aramutse atomboye neza

Chelsea (mu gakangara ka 1): Porto, Anderlecht, Maribor.

Manchester City/Manchester United (mu gakangara ka 2): Spartak Moscow, Anderlecht, Maribor.

Tottenham/Liverpool (mu gakangara ka 3): Spartak Moscow, Porto, Maribor.

Cyangwa se agatombora uku kuko nabyo birashoboka........

Chelsea (mu gakangara ka 1): Barcelona, Napoli, RB Leipzig.

Manchester City/Manchester United (mu gakangara ka 2): Real Madrid, Napoli, RB Leipzig.

Tottenham/Liverpool (mu gakangara ka 3): Real Madrid, Paris Saint-Germain, RB Leipzig.

Imikino izaba gute?

Imikino y’amatsinda itangira mu kwa 9, igasozwa mu kwa 12, buri kipe imaze gukina imikino 6, bivuze ko buri imwe ihura n’iyindi inshuro ebyiri; hanze no mu rugo.

12-13 Nzeli: Umunsi wa 1
26-27 Nzeli: umunsi wa 2
17-18 Ukwakira: umunsi wa 3
31 Ukwakira-1 Ugushyingo umunsi wa 4
21-22 Ugushyingo: umunsi wa 5
5-6 Ukuboza : umunsi wa 6

Amakipe abiri ya mbere mu itsinda ni yo azakomeza muri 1/8, iya gatatu ijye muri Europa League naho iya kane isezererwe.

Tombola ya 1/8 izaba mu kwezi kwa kabiri mu mwaka utaha wa 2018.

Map : Ahabanza  \  Burayi  \  Ibikombe bya UEFA

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru