RUHAGOYACU.com

Umuholandi arayobora umukino wo kongera gukora amateka kwa Barcelone ikina na Juventus- Byinshi ku mukino

Ese Ni nde watekerezaga ko bari kubishobora imbere ya Paris Saint-Germain? Uyu ni undi munsi, umwe muri 365 igize uyu mwaka wa 2017, undi munsi ushobora kongerwa mu mateka ya ruhago! FC Barcelone irakira Juventus mu mukino wo kwishyura wa 1/4 cya UEFA Champions League ni nyuma yo gutandukanywa na 3-0 mu Butaliyani.

Uyu mukino urabera kuri Camp Nou guhera saa 20:45, aho FC Barcelone yakoze amateka yo kuva inyuma igakuramo ibitego 4-0 yari yatsinzwe na PSG muri 1/8 ubwo yayitsindaga 6-1 mu mukino wo kwishyura, itegerejweho kongera gukora andi mateka, ikaba ikipe ya mbere iraba ibashije gukuramo ibitego 3-0 muri iki cyiciro mu nshuro 8 ziheruka byabaye.

Ibitego bibiri bya Paulo Dybala na kimwe na Giorgio Chiellini ni byo byafashije Juventus kubona impamba ya 3-0 mu mukino ubanza wabereye mu Butaliyani, umukino wabaye kuwa Kabiri w’icyumweru gishize.

Paulo Dybala yatsinze ibitego 2 muri 3-0 Juve yatsinze mu mukino ubanzaPaulo Dybala yatsinze ibitego 2 muri 3-0 Juve yatsinze mu mukino ubanza

Uyu mukino wo kwishyura urayoborwa n’umusifuzi; Björn Kuipers, ni umuholandi usifura iyi mikino kuva mu 2006, ndetse ni we wayoboye umukino wa nyuma w’iri rushanwa Real Madrid yatsinzemo Atletico Madrid mu 2014.

Uraza kuba ari umukino wa gatandatu asifurira FC Barcelone muri iri rushanwa, aho umukino uheruka, Barcelone yanganyije igitego 1-1 na AS Roma mu gihe muri rusange, Barcelone yabonyemo intsinzi ebyiri, inganya kabiri, itsindwa rimwe na Celtic mu 2012.

Ku ruhande rwa Juventus, mu mikino ine yabasifuriye; babonye amakarita atatu y’umutuku.

Björn Kuipers arasifurira FC Barcelone ku nshuro ya 6 muri UEFA CLBjörn Kuipers arasifurira FC Barcelone ku nshuro ya 6 muri UEFA CL

Umukino Juventus iheruka gukinira ku kibuga cya FC Barcelone, hari mu 2003 ubwo yahatsindiraga ibitego 2-1 ikanagera ku mukino wa nyuma wa UEFA Champions League ibifashijwemo na Pavel Nedved na Marcelo Zalayeta nubwo batsinzwe na Milan AC ku mukino wa nyuma, hitabajwe za penaliti.

Barcelone yatsinze imikino 15 ya Champions League iheruka gukinira ku kibuga cyayo (ibitego 50, yinjizwa 7) imikino yatojwemo na Luis Enrique, mu gihe ikipe imaze gutsinda imikino myinshi yikurikiranya iwayo ari Bayern Munich yatsinze 16.

Barcelone kandi, yatsinze nibura ibitego 3 mu mikino 7, mu 8 iheruka gukina muri Champions League mu rugo, gusa itsindwa imikino 3 muri 6 iheruka gukina muri Champions League.

Iyi kipe ikaba yarageze muri 1/4 cya UEFA Champions League ku nshuro ya 10 yikuriranya gusa mu nshuro 3 ziheruka; 2 muri zo yarasezerewe.

Luis Enrique ashobora gukora amateka akageza ku mikino 16 yo mu rugo yikurikiranya yose ayitsindaLuis Enrique ashobora gukora amateka akageza ku mikino 16 yo mu rugo yikurikiranya yose ayitsinda

Mu nshuro 5 ziheruka; Juventus yo yageze muri 1/4 inshuro eshatu mu gihe nta yindi kipe yo mu Butaliyani yigeze igera muri iki cyiciro muri iyi myaka itanu.

Nyuma yo kutagera muri 1/2 kuva mu 2003/04 kugeza mu 2013/14, Juventus ishobora kongera kugera muri 1/2 ku nshuro ya 2 mu myaka itatu (iheruka mu 2015 ubwo yageraga ku mukino wa nyuma igatsindwa na FC Barcelone 3-1).

Amakuru avugwa mu makipe yombi:

FC Barcelone iraza kuba yagaruye Sergio Busquets wasibye umukino ubanza kubera amakarita mu gihe Neymar utarakinnye mu mpera z’icyumweru gishize kubera amakarita muri shampiyona ubwo batsindaga Real Sociedad ndetse na Iniesta winjiye asimbuye, byitezwe ko bakoreshwa kuri uyu mukino mu gihe Javier Mascherano, Arda Turan, na Jeremy Mathieu bakoze imyitozo kuri uyu wa kabiri nubwo bafite utubazo tw’imvune.

Sergio Busquets araza kuba yagarutse muri FC BarceloneSergio Busquets araza kuba yagarutse muri FC Barcelone

Ku ruhande rwa Juventus; Dani Alves, Leonardo Bonucci, Sami Khedira, Alex Sandro, Gianluigi Buffon na Chiellini bakaba bararuhukijwe na Massimiliano Allegri mu mpera z’icyumweru gishize.

Abashobora kubanzamo:

Barcelona: Ter Stegen; Mascherano, Piqué, Umtiti; Rakitić, Busquets, Iniesta, Sergi Roberto; Messi, Luis Suárez, Neymar.

Udahari: Rafinha , Aleix Vidal.

Ushidikanywaho: Arda Turan, Mascherano, Mathieu.

Abonye ikarita yasiba umukino utaha: Neymar, Piqué, Rakitić, Suárez.

Juventus: Buffon; Dani Alves, Bonucci, Chiellini, Alex Sandro; Pjanić, Khedira; Cuadrado, Dybala, Mandžukić; Higuaín.

Udahari: Pjaca.

Abonye ikarita yasiba umukino utaha: Cuadrado, Mandžukić, Khedira.

Mu wundi mukino wa 1/4 uraba kuri uyu wa Gatatu; Borussia Dortmund yatsindiwe iwayo 3-2 mu mukino ubanza, iraba yagiye ku kibuga cya AS Monaco.

Map : Ahabanza  \  Burayi  \  Ibikombe bya UEFA

Ibitekerezo byatanzwe kuri iy'inkuru

  1. GERARD

    Kuya 19-04-2017 saa 21:29'

    Nitwa nduwimana gerard ndiburundi muyinga giteranyi mangoma jendabona messi neymar saurez et andre sinyesita nabandi barabikora burundi turabakurikiye my frend

  2. GERARD

    Kuya 19-04-2017 saa 19:28'

    komera bavandi ndakundacane ndumufana FCBalona turastinda nasenze

  3. GERARD

    Kuya 19-04-2017 saa 18:50'

    Nitwa nduwimana gerard ndi muburundi intara muyinga ,giteranyi umutumba mangoma ,interama ya 2 je ndabona messi,suarez neymar,nabandi barabikora murakoze iburundi turikumwe bavandi


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru