RUHAGOYACU.com

Arsenal, Liverpool na Man City zatsinze 4, Man United idafite Mourinho wajyanywe mu bafana inanirwa Burnley

Umunsi wa 10 wa shampiyona y’icyiciro cya mbere mu Bwongereza wasize amakipe ya Arsenal, Liverpool na Manchester City zibonye intsinzi, Tottenham na Leicester ziranganya mu gihe bikomeje kugorana ku makipe ya Manchester United na Sunderland.

Mu mukino wabanjirije izindi, kuri uyu wa Gatandatu, Arsenal yatsinze Sunderland ibitego 4-1, birimo bibiri bya Alexis Sanchez, na bibiri bya Olivier Giroud mu gihe Jermain Defoe yari yatsinze igitego cyo kwishyura ku ruhande rwa Sunderland.

Kugeza ku munsi wa 10 wa shampiyona, Sunderland itozwa na David Moyes ntiratsinda umukino n’umwe mu gihe ifite amanota abiri yakuye mu yo yanganyije.

Manchester City yari imaze imikino itandati yikurikiranya idatsinda mu marushanwa atandukanye, yagiye kwa West Bromwich Albion ihatsindira ibitego 4-0 birimo bibiri bya Sergio Aguero.

Liverpool yari yasuye Crystal Palace, ibasha kwikura ku kibuga cyayo, ihatsindiye ibitego 4-2. Matip na Filmino ni bo batsinze ibitego byashimagiye intsinzi ku ruhande rwa Liverpool, ni nyuma yaho batsindaga Palace yishyura.

Aya makipe ya Arsenal, Liverpool na Manchester City ayoboye shampiyona n’amanota 23.

Ku kibuga cya Manchester United, iyi kipe yananiwe kuhatsindira Burnley banganya 0-0 nubwo yihariye umukino ku buryo bushoboka bwose , igerageza uburyo 37. United basoje ari abakinnyi 10 mu kibuga, ni nyuma yaho Ander Herrera yahawe ikarita itukura n’umusifuzi Marc Clatternburg, mu gice cya kabiri, uyu wari wanazamuye Jose Mourihno mu bafana ubwo igice cya kabiri cyatangiraga.

Kugeza ubu United ikaba ifite amanota 15 mu mikino 10 ya shampiyona.

Mu wundi mukino wabaye kuri uyu wa Gatandatu, Tottenham itaratsindwa na rimwe muri shampiyona y’uyu mwaka, yanganyije na Leicester City igitego 1-1. Vincent Janssen na Ahmed Mussa nibo batsindiye amakipe yombi.

Shampiyona yakomeje kuri iki Cyumweru, aho Everton yakiriye West Ham United iyitsinda 2-0 naho Southampton yakira Chelsea, itsindwa 2-0.

Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru

  1. amani

    Kuya 1-11-2016 saa 06:28'

    ARSENAL OOYE


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru