RUHAGOYACU.com

Arsenal na Manchester United zibuze mu makipe 4 ya mbere kuva mu 1979

Kuri bamwe hari icyizere ko bigishoboka, abandi bo bari bamaze kwiyakira, kuza mu makipe ane ya mbere muri shampiyona y’u Bwongereza, ni yo yari intambara ikomeye ku munsi wa nyuma wa Premier League ikunzwe kurusha izindi, kuri iki Cyumweru, aho birangiye ibigugu nka Arsenal na Manchester United zibuze muri Big 4, ibintu byaherukaga kuba ku makipe yombi mu mwaka w’imikino 1978/79.

Bitandukanye na Manchester United yari yaramaze kwiyakira ku mwanya wa gatandatu, Arsenal yashakaga kuza mu makipe 4 ya mbere binyuze ku gutsindwa cyangwa kunganya kwa Liverpool, bityo bakabona amahirwe yo gukina UEFA Champions League bari bamaze imyaka 18 yikurikiranya bitabira.

Iminota 45 y’umukino Arsenal yari yakiriyemo Everton hari icyizere gikomeye yatanze kuko Hector Bellerin ku munota wa 7 na Alexis Sanchez ku munota wa 27, batsinze ibitego byashyiraga iyi kipe y’umutoza Arsene Wenger muri Champions League dore ko Liverpool bari bahanganye ntacyo yari ikibwiye ku mukino yakiragamo Middlesbrough.

Arsenal bakoze ibyo basabwaga hakiri kare n'ubwo ...Arsenal bakoze ibyo basabwaga hakiri kare n’ubwo ...

Liverpool yaje kubona igitego cya Georginio Wijnaldum cyabahaye kujya kuruhuka basubiranye umwanya wabo wa kane, hari mbere yo kubona ibindi bitego bya Coutinho na Lallana mu gice cya kabiri, byemeza bidasubirwaho kuzakina UEFA Champions League y’umwaka utaha mu gihe kwa Arsenal, Lukaku yatsindiye Everton igitego ku munota wa 57, Aaron Ramsey agatsinda agashinguracumu ku munota wa 90.

Lallana yatsinze igitego cya 3 cya LiverpoolLallana yatsinze igitego cya 3 cya Liverpool

Intsinzi ya Arsenal ku bitego 3-1 ntacyo iyifashije kuko iyi kipe isoje shampiyona iri ku mwanya wa 5 n’amanota 75, ibura muri UEFA Champions League ku nshuro ya mbere mu myaka 20.

Ibitego bya Vincent Kompany, Sergio Aguero (2), Fernandinho na Jesus byafashije ikipe ya Manchester City gushimangira umwanya wa gatatu, batsindira Watford iwayo ibitego 5-0 mu gihe Manchester United ifashijwe na Josh Harrop na Paul Pogba yatsinze Crystal Palace 2-0, isoza ku mwanya wa gatandatu.

Chelsea yatwaye igikombe yanyagiye Sunderland 5-1 mu mukino wa nyuma wa John Terry mu bururu naho Tottenham ya kabiri, inyagira Hull City ibitego 7-1 birimo bitatu bya Harry Kane usoje ayoboye abatsinze byinshi n’ibitego 29.

Uko imikino y’umunsi wa nyuma (38) wa Premier League yagenze

  • Arsenal 3-1 Everton
  • Chelsea 5-1 Sunderland
  • Manchester United 2-0 Crystal Palace
  • Watford 0-5 Manchester City
  • Hull City 1-7 Tottenham
  • Liverpool 3-0 Middlesbrough
  • Southampton 0-1 Stoke City
  • Swansea City 2-1 West Bromwich Albion
  • Leicester City 1-1 Bournemouth
  • Burnley 1-2 West Ham United.

Urutonde rw’uko amakipe asoje akurikirana:

Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru

  1. NEVE

    Kuya 23-05-2017 saa 09:15'

    REAL ikiguyeho kbs

  2. Rodrigue

    Kuya 22-05-2017 saa 16:12'

    Ariko muribukako Man Utd igifite amahirwe to Libya champions league

  3. kayitana

    Kuya 22-05-2017 saa 13:13'

    umva arsenal ndayifana pe ark arsener Wenger nagenda tuzatwara igikombe

  4. annet

    Kuya 22-05-2017 saa 10:13'

    MANCHESTER UNITED FC MWIYITIRANYA NA ARSENAL FC KUKO IBYAYO BIRATANDUKANYE CYANE IBYAYO TUZABIMENYA KUWA KANE NI TWARA EUROPA LEAGUE TUZIGIRA MURI CHAMPIONS LEAGUE ARSENAL YISURE !!!!!!!!!!!!!!!!!!!

  5. Elyse

    Kuya 21-05-2017 saa 21:19'

    ubundi arsenal igikombe cyayo yari yaramenyereje abafana bayo ni big 4 none kuriyincuro ikuyeho? hhhhhh niyihangane nayo ijyekujya ikina kuriyamikino yiburayi ikinwa ku4 nayo yumve uburyo bimera?

  6. kiki

    Kuya 21-05-2017 saa 19:43'

    arsenal rwose numwanya wa 5 ntiyariwukwiriye yarikwiriye uwa10 uyumwaka ntacyo yakoze nagito. Wenger akwiriye kugenda nta vision afite.

  7. PIJU

    Kuya 21-05-2017 saa 18:39'

    Man U yo imaze kubimenyera, hababaje Arsenal


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru