RUHAGOYACU.com

Bigoranye, Arsenal itangiranye intsinzi muri Premier League

Habura iminota irindwi gusa, ikipe ya Arsenal yari inyuma ya Leicester City ku bitego 3-2, ariko ibi byaje kuba ibindi ubwo Aaron Ramsey na Giroud binjiye mu kibuga basimbuye, batsindiraga ikipe y’abarashi ibitego bibiri byayihsheje intsinzi ya 4-3 ku mukino wabimburiye iyindi yose ya Premier League muri uyu mwaka w’imikino 2017/18.

Wari umukino ubanziriza iyindi 379 muri shampiyona y’u Bwongereza, aho kuri uyu wa Gatanu, Arsenal yakiriye Leicester City ndetse inabyitwaramo neza ku munota wa kabiri gusa, aho yabonye igitego cya mbere cyatsinzwe na Alexandre Lacazette, rutahizamu mushya waguzwe muri Lyon yo mu Bufaransa, hari ku mupira wari uvuye kuri Mohamed Elneny.

Ibyishimo bya Arsenal ntibyamaze kabiri, kuko Leicester City yaje kwishyurirwa na Shinji Okazaki wateranye umupira abarimo Xhaka, nyuma y’amasegonda 160 gusa Arsenal ifunguye amazamu.

Iyi kipe yo mu mujyi wa Leicester yaje kubona igitego cya kabiri ku munota wa 29, gitsinzwe na Jamie Vardy, uyu rutahizamu wigaragaje muri uyu mukino aza no gufasha ikipe ye kongera kuyobora umukino ku munota wa 52, hari nyuma y’uko Danny Welbeck yari yishyuriye Arsenal mbere y’uko bajya kuruhuka.



Abasimbura babiri umutoza Wenger yinjije mu kibuga ku munota wa 67, Olivier Giroud na Aaron Ramsey ni bo barokoye iyi kipe yakiniraga imbere y’abafana bayo, aho mu minota ibiri gusa, ku munota wa 83 n’uwa 85, batsindiye Arsenal ibitego byayifashije kwegukana amanota abanza muri shampiyona y’uyu mwaka.



ARSENAL (3-4-3): Cech ; Holding (Giroud 67), Monreal , Kolasinac; Bellerin , Xhaka , Elneny (Ramsey 67), Oxlade-Chamberlain ; Ozil, Welbeck (Walcott ); Lacazette .

Abasimbura batakoreshejwe: Ospina, Iwobi, Mustafi, Coquelin.


LEICESTER (4-2-3-1):
Schmeichel ; Simpson, Morgan , Maguire , Fuchs ; Ndidi , James (Iheanacho 82); Mahrez, Okazaki (Amartey 70), Albrighton; Vardy.

Abasimbura batakoreshejwe: Chilwell, Gray, Iheanacho, King, Hamer, Slimani

Umunsi wa mbere wa Premier League:

Kuwa Gatanu:

  • Arsenal 4-3 Leicester City

Kuwa Gatandatu

  • 13:30 Watford ? - ? Liverpool
  • 16:00 Chelsea ? - ? Burnley
  • 16:00 Crystal Palace ? - ? Huddersfield Town
  • 16:00 Everton ? - ? Stoke City
  • 16:00 Southampton ? - ? Swansea City
  • 16:00 West Bromwich Albion ? - ? AFC Bournemouth
  • 18:30 Brighton & Hove Albion ? - ? Manchester City

Ku Cyumweru:

  • 14:30 Newcastle United ? - ? Tottenham Hotspur
  • 17:00 Manchester United ? - ? West Ham United
Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru

  1. Nzoyisaba Gérard

    Kuya 12-08-2017 saa 09:27'

    Asha Arsenal Turashima Muga Kuri Real Madrid Ngo Harumukinyi Ejo Kuri Classico Atazokina Ngo Modric Nivyo?

  2. Eric

    Kuya 12-08-2017 saa 00:24'

    Sha ijoro ribara uwariraye ark imana ishimwe 3 turayabonye guns oyeeeee!!!


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru