RUHAGOYACU.com

Chelsea na Liverpool zatangiye nabi muri Premier League

Chelsea Football Club ifite igikombe giheruka muri shampiyona y’u Bwongereza, ntiyahiriwe n’umunsi wa mbere wa shampiyona nshya, aho yatsinzwe na Burnley ibitego 3-2 mu gihe amakipe ya Manchester City na Everton yatangiranye intsinzi.

Iyi shampiyona yatangiye kuwa Gatanu, yakomeje kuri uyu wa Gatandatu, aho umukino wabimburiye iyindi, saa 13:30, Liverpool yakiriwe na Watford banganya ibitego 3-3.

Stefano Okaka Chuka yari yahaye Watford kuyobora umukino ku munota wa 8 gusa, igitego cyaje kwishyurwa na Sadio Mane ku munota wa 29, nyuma y’iminota itatu gusa Abdoulaye Doucoure atsinda icya kabiri cya Watford.

Liverpool ntiyorohewe ku kibuga cya WatfordLiverpool ntiyorohewe ku kibuga cya Watford

Mu gice cya kabiri, Roberto Firmino kuri penaliti yishyuriye Liverpool, nyuma y’iminota ibiri gusa, ku munota wa 57, Mohamed Salah atsinda igitego cya gatatu gusa, Liverpool iza kwishyurwa mu minota ya nyuma ku gitego cyatsinzwe na Miguel Britos.

Everton 1-0 Stoke City

Mu mukino we wa mbere nyuma yo kumara imyaka 13 muri Manchester United, Wayne Rooney wagarutse mu ikipe yakuriyemo, yafashije ikipe ya Everton kubona amanota ya mbere, ayitsindira igitego kimwe cyabonetse mu mukino batsinzemo Stoke City ku munota wa 45.

Chelsea y’abakinnyi 9 yatsinzwe na Burnley

Ku kibuga cyayo, Chelsea yashoje ari abakinnyi 9 mu kibuga nyuma yo guhabwa umutuku kwa Gary Cahill ku munota wa 14 na Cesc Fabregas wabonye ikarita ya kabiri y’umuhondo ku munota wa 81, yatsinzwe na Burnley ibitego 3-2.

Igice cya mbere cyarangiye ari ibitego 3-0 byatsinzwe na
Sam Vokes ku munota wa 24, Stephen Ward ku munota wa 39, na Sam Vokes ku munota wa 43.

Burnley yatunguranye itsinda Chelsea 3-0 mu gice cya mbereBurnley yatunguranye itsinda Chelsea 3-0 mu gice cya mbere
Cahill yabonye umutuku hakiri kareCahill yabonye umutuku hakiri kare
Fabregas na we ahabwa umuhondo wa 2 mu gice cya kabiriFabregas na we ahabwa umuhondo wa 2 mu gice cya kabiri
Antonio Conte byamurenze, abura uko yifataAntonio Conte byamurenze, abura uko yifata

Nyuma y’iminota 10 yinjiye mu kibuga mu mwanya wa Michy Batshuayi, Alvaro Morata baguze muri Real Madrid yatsindiye Chelsea igitego cya mbere ku munota wa 69, anatanga undi mupira wavuyemo igitego cya David Luiz ku munota wa 82.

Morata yatangiye neza muri Chelsea yatangiye nabiMorata yatangiye neza muri Chelsea yatangiye nabi

Mu yindi mikino yabaye, West Bromwich Albion yatsinze Bournemouth igitego 1-0 cya Ahmed Hegazy ku munota wa 30.

Southampton yanganyije 0-0 na Swansea City naho Crystal Palace inyagirirwa iwayo na Huddersfield Town yazamutse ibitego 3-0.

Umukino washoje iyo kuri uyu wa Gatandatu, Manchester City yatsinze Brighton & Hove Albion ibitego 2-0 birimo igitego cya Aguero n’icyitsinzwe na Lewis Dunk, byombi byabonetse mu gice cya kabiri cy’umukino.

Silva wa Man City mu nyogosho nshya!Silva wa Man City mu nyogosho nshya!

Umunsi wa mbere wa shampiyona y’u Bwongereza (Premier League)

Kuwa Gatanu:

  • Arsenal 4-3 Leicester City

Kuwa Gatandatu

  • Watford 3 - 3 Liverpool
  • Chelsea 2 - 3 Burnley
  • Crystal Palace 0 - 3 Huddersfield Town
  • Everton 1 - 0 Stoke City
  • Southampton 0 - 0 Swansea City
  • West Bromwich Albion 1 - 0 AFC Bournemouth
  • Brighton & Hove Albion 0 - 2 Manchester City

Ku Cyumweru:

  • 14:30 Newcastle United ? - ? Tottenham Hotspur
  • 17:00 Manchester United ? - ? West Ham United
Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru