RUHAGOYACU.com

Chelsea yanyagiye Everton 5-0 iyobora shampiyona, Man City yatsikiye, Sunderland itsinda umukino wa mbere

Ku kibuga cyayo cya Stanford Bridge, ikipe ya Chelsea yaraye yihanangirije Everton, iyitsinda ibitego 5-0, birimo ibitego bibiri bya Eden Hazard, bibafasha kugera kurara ku mwanya wa mbere muri shampiyona y’u Bwongereza, Premier League, iri kuba ku munsi wayo wa 11.

Kuri uyu wa Gatandatu, Chalsea yakiriye Everton mu mukino n’ubundi yihariye ku buryo bugaragara, ariko mu minota ya mbere, abakinnyi ba Everton bakagerageza guhagarara neza barinda izamu ryabo.

Mu kuguma kotsa igitutu ikipe ya Everton, niho havuye igitego cya mbere cyaturutse ku mupira Diego Costa yahereje Eden Hazard wawinjiranye mu rubuga rw’amahina maze ateye mu izamu, umupira uruhukira mu nshundura ku munota wa 19 w’umukino.

Nyuma y’amasegonda atageze kuri 70, Marcos Alonso yatsinze icya kabiri ku mupira yahawe na Pedro Rodriguez mu gihr igitego cya gatatu cyabonetse ku munota wa 42 w’umukino, gitsinzwe na Diego Costa.

Eden Hazard na Pedro Rodriguez batsinze ibindi bitego bibiri byafashije ikipe ya Chelsea gusoza umukino, iyoboye n’ibitego 5-0, ndetse irara ku mwanya wa mbere n’amanota 25, inota rimwe imbere ya Manchester City yanganyije na Middlesbrough 1-1.

Manchester City yari yatsindiwe na Sergio Aguero ku munota wa 43, igitego cyishyuwe na Marten De Roon mu minota y’inyongera, hari ku mupira wahinduwe na George Friend.

Mu wundi mukino wabaye kuri uyu wa Gatandatu, Sunderland y’abakinnyi 10, yatsinze umukino wa mbere ubwo yahuraga na AFC Bournemouth.

Nubwo ku munota wa 33 w’umukino, Victor Anichebe yishyuye ku ruhande rwa Sunderland, igitego cyari cyatsinzwe na Dan Gosling ku munota wa 11, Steven Pienaar yabonye ikarita ya kabiri y’umuhondo ku munota wa 59, basigara ari abakinnyi 10 mu kibuga, ariko ntibyababujije kubona igitego cya kabiri cy’intsinzi ku munota wa 74, gitsinzwe na Jermain Defoe.

Iyi akaba ariyo ntsinze ya mbere iyi kipe ibonye muri shampiyona, dore ko mu mikino 10 iheruka, bari bafite amanota abiri gusa.

Imikino yabaye kuwa Gatandatu:

  • AFC Bournemouth 1 - 2 Sunderland
  • Burnley 3 - 2 Crystal Palace
  • Manchester City 1 - 1 Middlesbrough
  • West Ham United 1 - 1 Stoke City
  • Chelsea 5 - 0 Everton

Imikino iraba kuri iki Cyumweru:

  • 14:00 Arsenal ? - ? Tottenham Hotspur
  • 16:15 Hull City ? - ? Southampton
  • 16:15 Liverpool ? - ? Watford
  • 17:00 Swansea City ? - ? Manchester United
  • 18:30 Leicester City ? - ? West Bromwich Albion

Uko amakipe ahagaze ku rutondeUko amakipe ahagaze ku rutonde

Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru

  1. Nyiyonkuru Derick Apr

    Kuya 8-01-2017 saa 11:19'

    Oyyyyyyyyyy chls Imana ishimwe kbx gs abafana ba gikundiro mwihangane mn ndikumvango mujyiye kumanuka mucyiciro cyakabiri mn

  2. masumbuko nduwimana

    Kuya 7-11-2016 saa 04:20'

    chelsea oye

  3. -####-

    Kuya 7-11-2016 saa 01:52'

    chesea oyyyyyyyyyyyyyyyye
    gikundiro oyyyyyyyyyyyyyye
    imana yayahaye umugisha

  4. nkundiye

    Kuya 6-11-2016 saa 02:30'

    Amakipe y,ubururu n,umweru yahawe inkoni y,ubusasaridoti nukubatiza mu mazi menshi batibagiwe gutanga umuyobora wa interinete yihuta 4g. cg 3g. gikona urabe wumva mutima mu.........


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru