RUHAGOYACU.com

Chelsea yatsinze West Brom, yegukana igikombe cya shampiyona

Nyuma yo kwerekeza mu ikipe ya Chelsea aguzwe muri Marseille kuri miliyoni 33 z’ama-pound (£33m), umubiligi Michy Batshuayi yafashije iyi kipe y’i Londres kwegukana igikombe cya shampiyona y’u Bwongereza (Premier League) atsinda igitego cyari gikenewe mu mukino wa shampiyona bari basuyemo ikipe ya West Bromwich Albion.

Michy Batshuayi winjiye mu kibuga ku munota wa 76 w’umukino, asimbuye Pedro Rodriguez, yafashije Chelsea gutsinda igitego 1-0, yegukana shampiyona. Igikombe mu mwaka wa mbere w’umutaliyani utoza iyi kipe, Antonio Conte wabaye umutaliyani wa kane utwaye Premier League!


Uyu musore w'umubiligi yagiye akina gake ariko ahesheje ikipe Premier LeagueUyu musore w’umubiligi yagiye akina gake ariko ahesheje ikipe Premier League
Ni uko.........HahahaahNi uko.........Hahahaah

N’ubwo Chelsea na yo yabonye uburyo butandukanye burimo bwa Eden Hazard mu minota ya mbere, West Bromwich Albion yabonye uburyo butandukanye muri uyu mukino, ariko bubiri bw’ingenzi bwari guhindura byinshi ku mukino, ntabwo bwakundiye Nacer Chadli.

Nacer Chadli yahushije uburyo butandukanye muri uyu mukinoNacer Chadli yahushije uburyo butandukanye muri uyu mukino

Chelsea yegukanye shampiyona y’uyu mwaka ifite amanota 87 mu gihe hasigaye imikino ibiri, aho baramutse bayitsinze bagira amanota 93, bakaba indi kipe ibashije gutwara shampiyona ifite amanota menshi muri Premier League, ari hejuru ya 90, mu gihe ikipe iheruka kugira amanota nk’aya nabwo yari Chelsea mu 2004/05 ubwo bayitwaraga bafite 95.

Chelsea yegukanye Premier League ya 5, shampiyona ya 6 muri rusangeChelsea yegukanye Premier League ya 5, shampiyona ya 6 muri rusange
Pedro Rod! Pedro Rod!


Mu rwambariro byari ibyishimo bikomeyeMu rwambariro byari ibyishimo bikomeye

Iyi kipe kandi ikaba yabaye iya mbere itwaye Premier League kuwa Gatanu, mu gihe ikipe yaherukaga kwegukana shampiyona y’Abongereza ku munsi nk’uyu ari Arsenal mu 1989 i Anfield.

Chelsea ikaba yegukanye shampiyona y’Abongereza ku nshuro ya 6: 1954–55, 2004–05, 2005–06, 2009–10, 2014–15, 2016–17.

Undi mukino wa Premier League wabaye, Everton yatsinze Watford 1-0 cya Ross Barkley ku munota wa 56 w’umukino.

Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru

  1. Twin Yeah

    Kuya 14-05-2017 saa 09:12'

    Rayon Sports rero mufatireho hano kuri Chelsea, ku mukino wo ku wa gatatu niba ntibeshye, tuzacelebre bigaragarire buri wese! Tubitegure nta mu rayon usigaye inyuma! Nimurebe amafoto ya Chelsea na twe tuzakora udushya!!!

  2. knc

    Kuya 13-05-2017 saa 10:21'

    Ubururu niryo bara andi arariherekeza Chelsea oyeeeeeeeee!

  3. Ndiho

    Kuya 13-05-2017 saa 06:19'

    Chelsea ndababwiza ukuri ko mbona ishobora no kuzagera kuri muri uefa champions league umwaka utaha ! iramutse igumanye Hazard cg agasimburwa n’ umukinnyi ukomeye byaba byiza cyane !


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru