RUHAGOYACU.com

Liverpool ikosoye Arsenal, iyinyagira 4-0

Nta Philippe Coutinho ukomeje kwifuzwa na FC Barcelone, ubuzima burakomeje mu ikipe ya Liverpool yihanije Arsenal mu mukino w’umunsi wa gatatu wa shampiyona y’u Bwongereza, iyinyagira ibitego 4-0, inayirusha cyane.

Iyi kipe y’umutoza Jurgen Klopp yari hejuru cyane muri uyu mukino, aho yabonye uburyo butandukanye ariko kubona izamu bikabagora. Byasabye iyi kipe gutegereza umunota wa 17 w’umukino, maze Roberto Firmino afungura amazamu ya Arsenal, ku mupira wahinduwe na Joseph Gomez.

Liverpool yashoboraga kubona ibindi bitego, birimo icyanzwe n’umusifuzi nyuma yo kurarira kwa Mohamed Salah n’ubundi buryo uyu mukinnyi ukomoka mu Misiri yahushije muri uyu mukino.


Abakinnyi ba Liverpool bishimira igitego cya FirminoAbakinnyi ba Liverpool bishimira igitego cya Firmino

Sadio Mane yatsindiye Liverpool igitego cya kabiri ku munota wa 40, nyuma yo gucenga ba myugariro ba Arsenal aturutse i bumoso, areba uko umunyezamu Cech ahagaze, amutera mu rundi ruhande.

Liverpool yongeye kugaruka ari ya yindi yo mu minota 45 ya mbere, maze nyuma yo kubona uburyo bwo gutsinda kuri Arsenal ku munota wa 57, Mohamed Salah abambura umupira imbere y’izamu rya Liverpool, arawirukankana kugera ku izamu rya Arsenal, aroba Cech, biba ibitego 3-0.

Arsenal yakoze impinduka ebyiri icya rimwe; Sanchez na Alex Oxlade-Chamberlain baha umwanya Giroud na Lacazette, ariko aba ntacyo bari guhindura ku muvuduko uri hejuru Liverpool yakiniragaho.

Sanchez yasimbuwe Arsenal imaze gutsindwa 3-0Sanchez yasimbuwe Arsenal imaze gutsindwa 3-0

Iyi kipe yari mu rugo, yakoze impinduka Sadio Mane aha umwanya Daniel Sturridge, uyu na we watsinze igitego cya kane, nyuma y’iminota itatu akimara kwinjira mu kibuga, hari ku mupira wa Mohamed Salah.

Liverpool XI: Karius, Gomez, Matip, Lovren, Moreno, Can, Henderson, Wijnaldum, Salah, Firmino, Mane

Arsenal XI: Cech, Holding, Koscielny, Monreal, Bellerin, Ramsey, Xhaka, Oxlade-Chamberlain, Ozil, Welbeck, Sanchez .

Indi mikino ya Premier League:

kuwa Gatandatu:

  • Bournemouth 1-2 Manchester City
  • Newcastle United 3-0 West Ham
  • Crystal Palace 0-2 Swansea
  • Watford 0-0 Brighton
  • Huddersfield 0-0 Southampton
  • Manchester United 2-0 Leicester

Ku Cyumweru:

  • Chelsea 2 - 0 Everton
  • West Bromwich Albion 1 - 1 Stoke City
  • Liverpool 4 - 0 Arsenal
  • Tottenham Hotspur 1 - 1 Burnley

Uko amakipe akurikirana muri Premier League nyuma y'umunsi wa 3 wa shampiyonaUko amakipe akurikirana muri Premier League nyuma y’umunsi wa 3 wa shampiyona

Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru