RUHAGOYACU.com

Liverpool izakina na Man City zafatanyije gukodesha indege izakura abakinnyi babo muri Colombia

Amakipe ya Manchester City na Liverpool afitanye umukino ukomeye kuwa Gatandatu ubwo azaba ahurira mu mukino w’umunsi wa kane wa shampiyona y’u Bwongereza, yashyize amaboko hamwe, akodesha indege izana abakinnyi bayo mu Bwongereza.

Manchester City izakira Liverpool ku munsi wa kane wa shampiyona, umukino uzatangira saa Saba n’igice ku wa Gatandatu (13:30).

Aya makipe yombi, afatanyije n’ikipe ya Chelsea, bakodesheje indege yihariye ngo ize guhita izana abakinnyi babo mu Bwongereza, ubwo baraza kuba bamaze gukinira ibihugu byabo mu rukerera rwo kuri uyu wa Gatatu.

Gabriel Jesus, Ederson na Fernandinho ba Manchetser City bakomoka muri Brazil, Philippe Coutinho na Roberto Firmino ba Liverpool kimwe na Willian ba Chelsea baraza gufata iyi ndege ihita ibazana mu Bwongereza ibakuye i Barranquilla muri Colombia, aho iki gihugu kiraza kuba kimaze gukina na Brazil guhera saa 22:30 uyu munsi.

Biteganyijwe ko kandi; Sergio Aguero na Nicolas Otamendi ba Manchester City bari mu ikipe y’igihugu ya Argentine, na bo baza kuzana na bagenzi babo nyuma y’umukino iki gihugu kirakiramo Venezuela guhera saa 01:30.

Si ku nshuro ya mbere amakipe yo mu Bwongereza akoze ikintu nk’iki kuko no mu mwaka ushize bafatanyije na Paris Saint-Germain bakura abakinnyi babo muri Amerika y’Epfo.

Umunsi wa 4 wa Premier League:

Kuwa Gatandatu

13:30 Manchester City vs Liverpool

16:00 Arsenal vs AFC Bournemouth

16:00 Brighton & Hove Albion vs West Bromwich Albion

16:00 Everton vs Tottenham Hotspur

16:00 Leicester City vs Chelsea

16:00 Southampton vs Watford

18:30 Stoke City vs Manchester United

Ku Cyumweru

14:30 Burnley vs Crystal Palace

17:00 Swansea City vs Newcastle United

Kuwa Mbere

21:00 West Ham United vs Huddersfield Town

Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru