RUHAGOYACU.com

Manchester derby- Amakuru avugwa mu makipe yombi mbere y’umukino

Amakipe abiri yo mu mujyi wa Manchester; United na City zirahurira mu mukino w’ikirarane cya shampiyona y’icyiciro cya mbere mu Bwongereza, umukino uteganyijwe kuri uyu wa Kane tariki ya 27 Mata 2017 kuri Etihad Stadium.

Manchester City yatsindiye United iwayo ibitego 2-1 mu mukino ubanza muri shampiyona, ifite amanota 64 ku mwanya wa kane mu gihe Manchester United ifite amanota 63 ku mwanya wa gatanu.

Mu kiganiro yagiranye n’itangazamakuru kuri uyu wa Gatatu, umutoza w’ikipe ya Manchester United; Jose Mourihno yavuze ko Manchester City iramutse ibaje imbere muri shampiyona, hari byinshi byaba bivuze mu gihe kandi yemeje ko azajya gukina uyu mukino adafite Paul Pogba wavunikiye ku kibuga cya Burnley ku cyumweru gishize, ariko araba yagaruye mu kibuga Antonio Valencia na Ander Herrera.

Abandi bakinnyi badahari ku ruhande rwa Manchester United ni: Zlatan Ibrahimovic, Marcos Rojo, Juan Mata, Chris Smalling na Phil Jones bose bafite imvune zitandukanye.

’’Ntacyo byaba bivuze dusoje ku mwanya wa gatanu, bagasoza ku mwanya wa gatandatu. Basoje ku mwanya wa gatatu natwe tukaba aba kane, baba bari imbere yacu kandi aho ho bisobanuye byinshi.’’- Mourihno.

Ku ruhande rw’umutoza wa Manchester City; Pep Guardiola yemeje ko David Silva ashidikanywaho ndetse ashobora kudakina uyu mukino mu gihe Gabriel Jesus we ashobora kuwugaragaramo, naho Sergio Aguero ameze neza.

Indi mikino ya shampiyona y’Abongereza iteganyijwe kuri uyu wa Gatatu, aho Arsenal irakina na Leicester City, Crystal Palace na Tottenham naho Middlesbrough ihure na Sunderland.

Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru

  1. -####-

    Kuya 27-04-2017 saa 17:49'

    ABAFANA BAMANU TURAKURIKIY URUKINO MANU 3-1 CAMANICITY.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru