RUHAGOYACU.com

Neymar, Mbappe na Cavani bafashije PSG kunyagira Bordeaux 6-2 (Amafoto)

Ku munsi wa munani wa shampiyona y’icyiciro cya mbere mu Bufaransa, ikipe ya Paris Saint- Germain yihereranye Girondins de Bordeaux, iyinyagira ibitego 6-2 birimo ibitego bibiri bya Neymar Junior de Santos.

Nyuma yo gushwana mu minsi ishize, barwanira gutera penaliti, hagati ya Cavani na Neymar, kuri iyi nshuro abakinnyo bombi bashobora kuba baramaze kumvikana.

Kuri uyu wa Gatandatu, Neymar ni we wafunguye amazamu kuri Parc des Pinces ku gitego yatsinze kuri coup-franc ku munota wa gatanu, iminota irindwi mbere y’uko Edinson Cavani atsinda igitego cya kabiri mu gihe Thomas Meunier yatsinze igitego cya gatatu ku munota wa 21 w’umukino.

Neymar yafunguye amazamu kuri Coup-francNeymar yafunguye amazamu kuri Coup-franc
Neymar na Cavani bishimira igitego hamweNeymar na Cavani bishimira igitego hamwe
Draxler yatsinze igitego cyiza muri uyu mukinoDraxler yatsinze igitego cyiza muri uyu mukino

Ku makosa yo guhagarara nabi kw’abakinnyi b’inyuma ba Paris Saint- Germain, Bordeaux yabonye igitego cya mbere ku munota wa 31 w’umukino, gitsinzwe na Younousse Sankhare, Marco Verratti ananiwe gukuraho umupira, hari mbere y’uko Neymar atsinda penaliti ku munota wa 40 ubwo Otavio yari akoze umupira n’ukuboko.

Ku nshuro ya mbere mu mateka yabo, PSG batsinze ibitego bitanu mu gice cya mbere, ubwo Julian Draxler yatsindaga ikindi gitego ku mupira wari uvuye kuri Kylian Mbappe, maze uyu na we aza kumwishyura mu gice cya kabiri, aha umupira Mbappe atsinda igitego cya gatandatu.

Mbappe yatsinze igitego cya 6 ku mupira wa DraxlerMbappe yatsinze igitego cya 6 ku mupira wa Draxler
Neymar, Mbappe na Cavani bakomeje gufasha PSG kunyagira amakipe yo mu BufaransaNeymar, Mbappe na Cavani bakomeje gufasha PSG kunyagira amakipe yo mu Bufaransa

Malcom yatsinze impozamarira, yavuyemo igitego cya kabiri cya Bordeaux ku munota wa 90 w’umukino kuri penaliti, hari nyuma y’ikosa ryakorewe kuri Jonathan Cafu.

PSG ikomeje kuyobora shampiyona y’Abafaransa n’amanota 22 mu mikino umunani, aho yatakaje amanota abiri mu mukino uheruka banganyijemo na Montpellier 0-0, ubwo Neymar yari afite imvune.

PSG ikomeje kuyobora Ligue 1 y'AbafaransaPSG ikomeje kuyobora Ligue 1 y’Abafaransa

Imikino ya Ligue 1 yabaye kuwa Gatandatu

Paris-Saint Germain 6-2 Bordeaux
Amiens 19:00 Lille (wahagaze Lille yatsinze 1-0)
Dijon 1-1 Strasbourg
Guingamp 1-1 Toulouse
Nantes 1-0 Metz
Rennes 0-1 Caen

Kuwa Gatanu

Monaco 1-1 Montpellier

Ku Cyumweru

15:00 Troyes vs Saint-Etienne
17:00 Angers vs Lyon
21:00 Nice vs Marseille

Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru