RUHAGOYACU.com

Real Madrid yagejeje ku gahigo kari gafitwe na Santos ya Pelé ku Isi

Tariki ya 17 Nzeli 2017, izahora yibukwa nk’umunsi ikipe ya Zinedine Zidane yakoze amateka yo kuzuza imikino 73 yikurikiranya, yose batsindamo igitego, aho bagejeje ku muhigo wari ufitwe na Santos ya Pelé (muri Brazil).

Igitego cya Borja Mayoral ku munota wa 19 w’umukino, ubwo batsindaga Real Sociedad ibitego 3-1, cyafashije ikipe ya Real Madrid kunganya n’iyi kipe yari imaz igihe yihariye uyu muhingo wo gutsinda mu mikino myinshi yikurikiranya ku Isi nzima.

Borja Mayoral ashimirwa na Varane na Asensio nyuma yo gufasha Madrid kugeza imikino 73 yikurikiranya, yose itsindamo igitego Borja Mayoral ashimirwa na Varane na Asensio nyuma yo gufasha Madrid kugeza imikino 73 yikurikiranya, yose itsindamo igitego

Santos ni yo kipe yabashije gukora ibi kuva tariki ya 21 Ugushyingo 1961 kugeza tariki ya 15 Kanama 1963, ubwo yarimo igihangange Pelé, aho batsinzemo imikino 52, banganya imikino 14 mu gihe batakaje imikino 7, batsinda ibitego 245 mu gihe bo binjijwe ibitego 96.

Nyuma y’imyaka 54, Real Madrid yabigezeho itsinze imikino 53, inganya 13 mu gihe yatsinzwe 7.

I Burayi, ikipe ya Bayern Munich ni yo yari iherutse kugeza imikino myinshi, yose itsindamo igitego, 2012/13 na 2013/14, ariko Real Madrid iza kuyirengaho.

Real Madrid yabashije gushyikira Santos ya PeleReal Madrid yabashije gushyikira Santos ya Pele

Abakinnyi barimo Cristiano Ronaldo, Gareth Bale, Karim Benzema, Isco na Asensio kimwe na bagenzi babo barimo na Alvaro Morata wagurishijwe muri Chelsea, bose bagize uruhare mu kugera kuri uyu muhigo.

Kugira ngo Real Madrid ikora amateka, yiharire aka gahigo, birayisaba kuzinjiza igitego mu mukino bazakiramo Real Betis kuwa Gatatu tariki ya 20 uku kwezi, kuri Santiago Bernabéu, aho bazaba banagaruye Cristiano Ronaldo utarakinnye imikino 5 iheruka muri Espagne, nyuma yo kuyihagarikwa, azira gusunika umusifuzi ku mukino Super Coupe.

Abakinnyi baatndukanye ba Real Madrid bagize uruhare muri aka gahigoAbakinnyi baatndukanye ba Real Madrid bagize uruhare muri aka gahigo

Real Madrid yaherukaga gukina umukino ntibonemo igitego, ubwo banganyaga na Manchester City ubusa ku busa muri Mata 2016, muri UEFA Champions League.

Iyi kipe yinjije ibitego 198 muri iyi mikino 73 yose batsinzemo mu buryo bukurikira

LaLiga 118

Champions League 41

Copa del Rey 22

Club World Cup 6

European Super Cup 5

Spanish Super Cup 5

Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru

  1. Rewo

    Kuya 20-09-2017 saa 19:01'

    Ariko mwabuze Inkurumwandika Narabivuzekomuzasenyuka Nonebirabaye Muhindure Imikorere Naho Ubundi murazimye?


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru