RUHAGOYACU.com

Real Madrid yegukanye shampiyona ya Espagne nyuma y’imyaka 5

Ibitego bya Cristiano Ronaldo na Karim Benzema bifashije ikipe ya Real Madrid kwegukana shampiyonaya Espagne, La Liga Santander, ku munsi wayo wa nyuma wakinwaga kuri iki Cyumweru.

Cristiano Ronaldo yatsinze igitego cya mbere mu mukino bari basuyemo Malaga ku munota wa kabiri w’umukino ku mupira wa Isco mu gihe Karim Benzema yashimangiye intsinzi ku munota wa 55 w’umukino, Real Madrid yegukana shampiyona ya Espagne ku nshuro ya 33.



Real Madrid kuri ubu itozwa na Zinedine Zidane, ikaba yaherukaga kwegukana iki gikombe mu 2012 ubwo yatozwaga na Jose Mourinho.

Iyi kipe yegukanye igikombe ifite amanota 93, irusha FC Barcelone amanota atatu gusa, ni nyuma yaho iyi yo yari yakiriye Eibar, iyitsinda ibitego 4-2.

Eibar yabonye ibitego bibiri mu minota 60 ya mbere, ibikesha Takashi Inui, ibitego byaje kwishyurwa na David Junca witsinze nyuma y’iminota itatu (63’) gusa mbere y’uko Messi ahusha penaliti.

Ku munota wa 73, Suarez yishyuye igitego cya kabiri ku ruhande rwa Barcelone yari imbere y’abafana bayo, Messi atsinda ikindi gitego cya kabiri kuri penaliti yo ku munota wa 75 yaje ikurikirana n’ikarita itukura yahwe Ander Capa, Messi yongera kubona igitego cye cya kabiri mu mukino, icya kane cya Barcelone ku munota wa 90.

Real Madrid bishimira igikombe cya 33 cya shampiyonaReal Madrid bishimira igikombe cya 33 cya shampiyona

Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru

  1. Kubwimana Gilbert

    Kuya 22-05-2017 saa 19:06'

    C.Ronardo akwi indi barondora

  2. John Claude David

    Kuya 22-05-2017 saa 05:33'

    Ndahojeje Abafana Ba Barcelone Twihangane.Ariko Ico Nsaba Abarongoye FCB Barakwiye Guhindura Umumenyereza.Hanyuma Ndipfurije Juventus Amahirwe Yo Kwegukana Ligue Des Champions


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru