RUHAGOYACU.com

Rooney yatsinze igitego cya 200 muri Premier League, banganya na Manchester City- Amafoto

Everton yabaye ikipe ya mbere inaniye umutoza Pep Guardiola mu mukino itatu ahuye nayo ntabashe kuyitsinda. Ni nyuma y’uko igitego cya Wayne Rooney, n’icyatsinzwe na Raheem Sterling ari byo byatandukanyije impande zombi, banganya igitego 1-1 mu mukino wari wakiriwe na Manchester City ku munsi wa kabiri wa shampiyona y’Abongereza (Premier League).

Uyu wari umwe mu mikino yari yitezwe kuri uyu munsi, nyuma yo kubona Manchester United yongera gutsinda 4-0 ubwo basangaga Swansea iwayo, Arsenal igatakariza 1-0 ku kibuga cya Stoke City, Liverpool ikabona intsinzi ya mbere kuri Crystal Palace mu gihe Chelsea yasubizaga abayishidikanyagaho, igatsinda Tottenham ibitego 2-1.

Etihad, Manchester City yari mu rugo, n’ubundi ni yo yabonye uburyo butandukanye bwinshi bwo gutera mu izamu, ariko imupira y’abarimo Kun Aguero, Jesus Navas, David Silva cyangwa De Bryune, ntiyigeze irenga umurongo w’izamu ryari ririnzwe na Pickford waguzwe miliyoni zirenga 30 z’ama-pound, akaba umunyezamu wa gatatu uhenze ku Isi nzima mu mateka ya ruhago.

City yabonye uburyo butandukanye burimo n'ubwa AgueroCity yabonye uburyo butandukanye burimo n’ubwa Aguero

Wayne Rooney, umwe mu bashegeshe Manchester City muri iyi myaka 10 ishize, nk’uko atoreheye aba bari basangiye umujyi akiri mu mashitani atukura, ni byo yongeye gukora ku munota wa 34, atsindira Everton igitego, hari nyuma y’uko Dominic Calvert-Lewin acenze Company, ahindura umupira mwiza mu rubuga rw’amahina, maze Rooney aroba Ederson.

Uyu wahoze muri ManchesterUnited yagarutse mu rugo nyuma y'imyaka 13, amaze gutsindira Everton ibitego 2 ifite ubu. Yayihesheje intsinzi imbere ya Stoke ku gitego 1-0!Uyu wahoze muri ManchesterUnited yagarutse mu rugo nyuma y’imyaka 13, amaze gutsindira Everton ibitego 2 ifite ubu. Yayihesheje intsinzi imbere ya Stoke ku gitego 1-0!
Rooney yatsindaga igitego cya 200 muri Premier League Rooney yatsindaga igitego cya 200 muri Premier League

Iki ni igitego cya 200 Wayne Rooney yatsindaga muri Premier League, ku myaka 31, gusa kuri ubu ararushwa ibitego 60 na Alan Shearer watsinze byinshi muri iyi shampiyona mu gihe Andy Cole afite ibitego 187 ku mwanya wa gatatu, Frank Lampard 177, na Thierry Henry hafi aho n’ibitego 175.

Manchester City baje gusigara mu kibuga ari abakinnyi 10 ubwo mbere y’uko amakipe yombi ajya kuruhuka, mu masegonda 57 gusa, Kyle Walker yahawemo amakarita abiri y’umuhondo, ni nyuma y’ikosa yari akoreye kuri Dominic Calvert-Lewin, nyamara uyu wari umukino we wa 200 muri Premier League, ndetse nta yindi karita ya kabiri y’umuhondo yari yagahawe.

Walker yabonye umutuku mu mukino we wa 200 muri Premier LeagueWalker yabonye umutuku mu mukino we wa 200 muri Premier League
Schnedrlein yabanje kubona umuhondo....Schnedrlein yabanje kubona umuhondo....

Iyi kipe yari mu rugo n’ubundi yakomeje kubura uburyo butandukanye nyuma yo kwinjira mu kibuga kwa Raheem Sterling, ariko waje kuyihesha igitego ku munota wa 82 ku ishoti rikomeye.

Sterling yishyuriye City nyuma yo guhusha ubundi buryoSterling yishyuriye City nyuma yo guhusha ubundi buryo

Amakipe yombi yashoje umukino ari abakinnyi 10 mu kibuga, ni nyuma yaho na Morgan Schneiderlin yabonye ikarita ya kabiri y’umuhondo ku ikosa yakoreye kuri Aguero.

Na Everton yabonye umutuku ku ikosa uyu mufaransa yakoreye kuri AgueroNa Everton yabonye umutuku ku ikosa uyu mufaransa yakoreye kuri Aguero
Sigurdsson waguzwe miliyoni 45 na Everton, avuye muri Swansea, yakinnye mu gice cya kabiri Sigurdsson waguzwe miliyoni 45 na Everton, avuye muri Swansea, yakinnye mu gice cya kabiri
Mourinho na Ferguson bari baje kureba uyu mukinoMourinho na Ferguson bari baje kureba uyu mukino
Uko amakipe akurikirana nyuma y'imikino y'umunsi wa 2 wa Premier LeagueUko amakipe akurikirana nyuma y’imikino y’umunsi wa 2 wa Premier League

Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru