RUHAGOYACU.com

Super Sunday- Ibintu 3 byitezwe kurusha ibindi muri shampiyona zikomeye i Burayi

Kuri iki Cyumweru tariki ya 21 Gicurasi 2017, shampiyona zitandukanye i Burayi ziraba zisozwa, ahategerejwe kumenya amakipe atwara ibikombe, amanuka n’ajya mu bindi byiciro by’amarushanwa.

Mu bihugu bitandukanye; birimo u Budage, u Bufaransa, n’u Bwongereza, amakipe yatwaye ibikombe akaba yaramaze kumenyekana, aho ari Bayern Munich, AS Monaco na Chelsea.

Ibintu 3 byitezwe kurusha ibindi:

Amakipe 4 ya mbere mu Bwongereza aramenyekana uyu munsi

Ku munsi wa 38, usoza shampiyona y’u Bwongereza, nibwo hamenyekana amakipe ane ya mbere n’ubwo kugeza ubu Chelsea na Tottenham zamaze kubona imyanya ibiri ibanza.

Manchester City ya gatatu n’amanota 75 irajya gukina na Watord, Liverpool ifite 73 yakire Middlesbrourg mu gihe Arsenal ifite 72 irakina na Everton, imikino yose iteganyijwe saa 16:00.

Aha, igitegerejwe cyane abenshi bagarukaho n’uburyo Arsenal ishobora kuba yabura mu makipe ane ya mbere nyuma y’imyaka 18 itozwa na Arsene Wenger.

Hagati ya Real Madrid na FC Barcelone haramenyekana uwegukana La Liga y’uyu mwaka

Shampiyona ya Espagne, La Liga Santander na yo irasozwa uyu munsi, aho Real Madrid irajya ku kibuga cya Malaga, naho FC Barcelone ikine na Eibar, imikino yombi iratangira saa 20:00.

Inota rimwe riraza kuba rihagije kugira ngo Real Madrid iba yakwegukana shampiyona, imaze imyaka 5 idatwara, mu gihe kuri ubu irusha Barcelone amanota 3 gusa.

Barcelone itsinze uyu mukino, Real Madrid igatsindwa, amakipe yombi yanganya amanota 90, bityo Barcelone igatwara igikombe kuko yatsinze umukino umwe muri ibiri yahuje amakipe yombi, 3-2 na 1-1.

Juventus iracyategejwe ko yegukana igikombe

Roma yaraye itsinze Chievo ibitego 5-3, yasigaye irushwa inota rimwe na Juventus yo igisigaje imikino 2 mu gihe AS Roma isigaje umukino umwe.

Juventus ifite amanota 85 irakira Crotone uyu munsi saa 15:00 aho gutsinda uyu mukino biraza kuyihesha kwegukana igikombe cya gatandatu cya shampiyona yikurikiranya mu gihugu cy’u Butaliyani.

Ibindi byitezwe:

Utsinda ibitego byinshi mu Bwongereza:

Harry Kane wa Tottenham iza gukina na Hull City afite ibitego 26 mu gihe Romelu Lukaku wa Everton na Sanchez wa Arsenal, baza kuba bahura, bafite ibitego 24 na 23.


Abakinnyi bashobora gukina imikino ya nyuma mu makipe yabo.

Abatandukanye barimo; umutoza wa Watford; Walter Mazzarri, abakinnyi nka: John Terry, Wayne Rooney, Ross Barkley, Romelu Lukaku, Michael Keane na Gylfi Sigurdsson bashobora kuba bakina imikino ya nyuma mu makipe barimo, mbere yo kwerekeza ahandi.

Map : Ahabanza  \  Burayi  \  Shampiyona

Izindi nkuru

kubwubuntu zion Kuya 23-05-2017 saa 14:18'

ibihe byiza kubafana bose ba RAYONSPOTR APR POLE

-####- Kuya 21-05-2017 saa 06:50'

arsenal yo nikureho nta Big 4 yabona kbsa


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe
    Igitekerezo cyawe kigaragara nyuma y'isuzuma rikorwa na RuhagoYacu.com
    Iyo igitekerezo cyawe kitajyanye nâ€â„¢inkuru cyangwa gitandukiriye amahame agenga abasiporitifu kirasibwa.
    Murakoze!