RUHAGOYACU.com

Tottenham yatsinze Crystal Palace, Arsenal yiyongerera amahirwe yo kuza mu makipe 4 ya mbere

Igitego cyo mu minota ya nyuma y’umukino cyitsinzwe na Robert Huth, cyahaye ikipe ya Arsenal icyizere cy’uko ishobora kuza mu makipe ane ya mbere muri shampiyona y’u Bwongereza uyu mwaka, ni nyuma yo gutsinda Leicester City igitego 1-0 kuri uyu wa Gatatu.

Emirates Stadium, Arsenal yihariye umukino ku rwego rwa 70% ariko ntiyigeze ibona uburyo bwagaragazaga ko iza gutsinda umukino kugeza ubwo ku munota wa 86, umupira wa Nacho Monreal waje gukorwaho na Robert Huth maze umunyezamu we Kasper Schmeichel ntabashe kuwugarura.

Leicester City ni yo yabonye amahirwe yashoboraga gutanga umusaruro muri uyu mukino, aho mu gice cya mbere Riyad Mahrez yateye ishoti ryakuwemo na Petr Cech, Jamie Vardy umupira yateye uca ku ruhande mu gihe na Sanchez wa Arsenal yahushije ubundi buryo mbere y’uko amakipe yombi ajya kuruhuka.



Gutsinda uyu mukino bikaba byafashije Asenal kugira amanota 60, aho bakiri ku mwanya wa gatandatu, bararushwa amanota ane na Manchester City ya kane, n’amanota 6 barushwa na Liverpool ya gatatu mu gihe Arsenal igifite ibindi birarane bibiri irusha Liverpool.

Mu yindi mikino yabaye, Christian Eriksen yafashije Tottenham kuguma kwiruka kuri Chelsea ibarusha amanota ane, ayitsindira igitego 1-0 ku kibuga cya Crystal Palace mu gihe Middlesbrough yatsinze Sunderland igitego 1-0 bikomeza gushyira iyi kipe ahamunuka, ku mwanya wa nyuma.


Umukino utegerejwe na benshi uraba kuri uyu wa Kane, urahuza Manchester City na Manchester United.

Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru