RUHAGOYACU.com

Tottenham yihanije Liverpool imbere ya Maradona, Arsenal inyagira Everton-Uko umunsi wa 9 wagenze muri rusange

Tottenham Hotspurs inyagiye ikipe ya Liverpool mu mukino w’umunsi wa 9 wa shampiyona, umukino wa mbere ikipe ya Tottenham ibashije gutsinda ikipe ya Liverpool mu myaka 3 ishize itabigeraho.

Uyu mukino wabaye kuri iki cyumweru woroheye cyane ikipe ya Tottenham yatsinze ikipe ya Liverpool iyirusha cyane ibitego 4-1, harimo ibitego 2 bya Harry Kane, wanatsindaga igitego cya mbere kuri Wembley Stadium ari kumwe na Tottenham.

Uyu musore yafunguye amazamu nyuma y’umunota wa 4 gusa w’umukino, aza no guhereza Heung-Min Son umupira wavuyemo igitego cya 2, ku munota wa 12.

umunyamisiri Mohamed Salah yaje gutsindira ikipe ya Liverpool igitego ku munota wa 24 w’umukino, ku mupira watakajwe na Harry Kane mu kibuga hagati.

JPEG - 152.5 kb
Son yishimira igitego cya 2 na bagenzi be

Jurgen Klopp yafashe icyemezo kitaje kumugwa amahoro, ubwo yakuragamo myugariro Lovren, akamusimbuza Alex Oxlad Chamberlain byateje icyuho mu bakina inyuma mu ikipe ya Liverpool, maze batangira guha icyuho ikipe ya Tottenham.

Mbere gato yo kujya kuruhuka, umunya Cameroon Matip yagaruye umupira mu rubuga rw’amahina hagati, uhura na Delle Ali watsinze igitegp cya 3, bajya kuruhuk ari ibitego 3-1.

JPEG - 88.8 kb
Maradona yari kuri Wembley yaje kureba uyu mukino

Uyu mukino watangiye Tottenham iha Diego Maradona umwambari w’ikipe ya Tottenham. Uyu munya Argentine wanditse amateka muri ruhago, akaba yarigeze gukinira ikipe ya Tottenham, mu mukino 1 wa gicuti.

Liverpool yagiye ibona uburyo bwo kugabanya umwenda, ariko igasanga umuzamu w’ikipe ya Tottenham Hugo Lrolis ahagaze bwuma.

JPEG - 105.4 kb
Umutoza Klopp yinjije Ox hakiri kare, biza gutuma ikipe ye itsindwa ibitego 2

Harry Kane yaje kubona igitego cya 4 ku mupira wari uvuye muri koruneli, ukananirwa gukurwa mu rubuga rw’amahina n’abakinnyi ba Liverpool, uyu mwongereza atsinda igitego cya 4.

Liverpool itakaje umukino wa 6 mu mikino 9 imaze gukina muri iyi shampiyona, aho yatsinze imikino 3 gusa, ikanganya imikino 4, indi 2 ikayitsindwa. Aba basore ba Jurgen Klopp bari ku mwanya wa 9 ku rutonde rw’agateganyo rwa shampiyona, amanota 13 nyuma ya Man City iri ku mwanya wa mbere.

JPEG - 112.1 kb
Klopp n’ikipe ye bari ku mwanya wa 9 n’amanota 12, bingana naho Brendan Rodgers yirukamwe ari mu myaka 2 ishize

Tottenham yagumye ku mwanya wa 3 n’amanota 20, aho kuri ubu irushwa na Manchester United ya 2 umubare w’ibitego izigamye. Man United izigamye ibitego 18 naho iyi kipe ya Pochettino, ikaba izigamye ibitego 13. Aba bombi bararushwa amanota 5 na Man City ya mbere.

Undi mukino wabaye kuri iki cyumweru, Arsenal ya Arsene Wenger wizihizaga isabukuru y’imyaka 68 amaze avutse, yanyagiye ikipe ya Everton ibitego 5-2, harimo ibitego bya mbere muri iyi shampiyona kuri Ozil na Sanchez mu mikino 9 ishize.

JPEG - 95.9 kb
Rooney yatsinze Arsenal igitego cya 12 muri shampiyona yo mu Bwongereza, ni we mukinnyi watsinze iyi kipe ibitego byinshi kurusha abandi

Wayne Rooney watsinze Arsenal igitego cya mbere muri 2002 ari umukinnyi muto mu ikipe ya Everton, yongeye kuyitsinda igitego ku munota wa 11 cyafunguye amazamu, mbere gato y’uko Monreal yishyura kuri penaliti.

JPEG - 87.2 kb
Monreal yishyuye ku ruhande rwa Arsenal mbere y’uko bajya kuruhuka
JPEG - 84.1 kb
Mesut Ozil yatsinze igitego muri uyu mukino, anatanga umupira wavuyemo igitego cya Lacazette
JPEG - 104.7 kb
Lacazette yatsinze igitego cya mbere muri Arsenal hanze ya Emirates

Igice cya 2 Arsenal yari yakomeje kurusha cyane Everton yaje muri uyu mukino imaze imikino 4 nta ntsinzi, yaje kubona igitego cya 2 cyatsinzwe na Ozil n’umutwe, ku mupira yahawe na Sanchez.

Everton byaje kuyibana bibi ubwo Idrissa Gana Geuye yabonaga ikarita ya 2 y’umuhondo habura iminota 25 umukino ngo urangire, Arsenal ibyungukiramo, ibabonamo ibindi bitego 3.

JPEG - 134.7 kb
Sanchez yatsinze igitego cya mbere nyuma y’imikino 9

Lacazette yatsinze igitego cya 3, kikaba igitego cya mbere atsindiye hanze ya Emirates muri Arsenal, Ramsey aza gutsinda igitego cya 4 ku mupira yahawe na Wilshere, mbere gato y’uko Cech anyerera agaha Baye Oumar Niasse impano ku munota wa 90, ariko Sanchez aza kubonera Arsenal igitego cya 5 ku munota wa nyuma. Igitego cya mbere kuri uyu munya Chile watsindiye Arsenal ibitego 23 muri shampiyona iheruka.

JPEG - 83.3 kb
Arsene Wenger yizihizaga isabukuru y’imyaka 68, akaba ari umukino wa 3 Arsenal itsinze ku munsi w’isabukuru ye, nyuma ya 2005 na 2007
JPEG - 106 kb
Umutoza wa Everton umaze imikino 5 adatsinda, ashobora gutakaza umwanya we mu gihe cya vuba

Uko imikino yose yagenze ku munsi wa 9:

Ku wa gatanu:

  • West Ham United 0 - 3 Brighton & Hove Albion

Ku wa Gatandatu:

  • Chelsea 4 - 2 Watford
  • Huddersfield Town 2 - 1 Manchester United
  • Manchester City 3 - 0 Burnley
  • Newcastle United 1 - 0 Crystal Palace
  • Stoke City 1 - 2 AFC Bournemouth
  • Swansea City 1 - 2 Leicester City
  • Southampton 1 - 0 West Bromwich Albion

Ku Cyumweru:

  • Everton 2 - 5 Arsenal
  • Tottenham Hotspur 4 - 1 Liverpool
Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru