RUHAGOYACU.com

Aubameyang abaye umukinnyi uhenze Arsenal, Ozil yemera kongera amasezerano

Ikipe ya Arsenal yamaze gusinyisha rutahizamu w’umunya-Gabon wakiniraga ikipe ya Borussia Dortmund yo mu Budage; Pierre-Emerick Aubameyang, aba umukinnyi wa mbere uhenze iyi kipe, atanzweho asaga miliyoni 56 z’amapawundi.

Uyu musore w’imyaka 28 abaye umukinnyi wa kabiri uguzwe na Arsenal mu isoko ry’abakinnyi ryo muri uku kwezi kwa mbere, inyuma ya Henrikh Mikhtaryan waguzwe muri Manchester United, ndetse aba bombi bakinannye imyaka ibiri muri Borussia Dortmund.

Arsene Wenger utoza Arsenal yakiriye Aubameyang muri ArsenalArsene Wenger utoza Arsenal yakiriye Aubameyang muri Arsenal

Mu mikino 144 yakiniye Dortmund muri Bundesliga, Aubameyang yatsinze ibitego 98, ndetse yagize uruhare mu bitego 172 mu mikino 213 yose yakiniye ikipe avuyemo muri rusange.

Aubameyang asanzwe ari kapiteni w’ikipe y’igihugu ya Gabon, ndetse ni we umaze kuyitsindira ibitego byinshi, byongeye kandi akaba ari we munya-Gabon umwe rukumbi wabashije gutorwa nk’umukinnyi w’umwaka muri Afurika mu 2015.


Aubameyang ni umwe muri ba rutahizamu beza Aubameyang ni umwe muri ba rutahizamu beza

Kugura uyu mukinnyi bishobora guhita bituma Olivier Giroud na we yerekeza mu ikipe ya Chelsea yifuza kumatangaho miliyoni 18 z’amapawundi kuri uyu munsi wa nyuma w’isoko ry’igura ry’abakinnyi mu gihe iyi kipe yindi yo mu mujyi wa London iraza kuba irekura Michy Batshuayi akajya muri Dortmund ku ntizanyo.

Mu yandi makuru avugwa muri Arsenal ni uko Mesut Ozil yemeye kongera amasezerano y’imyaka itatu n’igice, akageza mu 2021, ariko agahabwa umushahara w’ibihumbi 350,000 by’amapawundi ku cyumweru.

Ozil yemeye kongera amasezerano muri ArsenalOzil yemeye kongera amasezerano muri Arsenal

Arsenal yaraye itsinzwe na Swansea City ibitego 3-1 muri shampiyona, iri ku mwanya wa gatandatu n’amanota 42, iri kandi ku mukino wa nyuma wa Carabao Cup aho izakina na Manchester City mu kwezi gutaha mu gihe muri Europa League itazakoreshamo Aubameyang kuko na Dortmund irimo, bari muri 1/16.

Map : Ahabanza  \  Burayi  \  Amakuru ashyushye

Ibitekerezo byatanzwe kuri iy'inkuru

  1. HARERIMANA PRINCE

    Kuya 1-02-2018 saa 15:37'

    NDABASHIMIRA KUMAKURUMEZA RAYON SPORT MUNDAHWEMAKUTUGEZAHO MURAKOZE NAHO APR TURAYISTINDA

  2. HARERIMANA PRINCE

    Kuya 1-02-2018 saa 15:25'

    MWIRIWE EBANDABON APR TURAYIKUTA BIBIRI CYIMWE MURAKOZE


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru