RUHAGOYACU.com

Barcelone yatsinzwe umukino wa mbere muri uyu mwaka w’imikino

Ikipe ya FC Barcelone yatsinzwe umukino wa mbere kuva itangiye gutozwa na Ernesto Valverde, ni nyuma yaho umukino wabahuje na Espanyol kuri uyu wa Gatatu urangiye batsinzwe igitego 1-0.

Muri uyu mukino ubanza wa ¼ cya Copa del Rey muri Espagne, Lionel Messi yahushije penaliti yakuwemo na Diego Lopez ubwo Sergi Roberto yakorerwagaho ikosa ku munota wa 62 w’umukino, uba umukino wa mbere batakaje kuva muri Kanama umwaka ushize.

Abakinnyi ba Espanyol ntibishimiye penaliti yatanzwe na Ricardo de Burgos Bengoetxea Abakinnyi ba Espanyol ntibishimiye penaliti yatanzwe na Ricardo de Burgos Bengoetxea
Messi yahushije penaliti yahawe Barcelone muri uyu mukinoMessi yahushije penaliti yahawe Barcelone muri uyu mukino
Diego Lopez ashimirwa na bagenzi be nyuma yo gukuramo penaliti ya MessiDiego Lopez ashimirwa na bagenzi be nyuma yo gukuramo penaliti ya Messi

Habura iminota ibiri gusa ngo umukino urangire, Espanyol yabonye igitego cyayihesheje impamba izajyana mu mukino wo kwishyura binyuze kuri Oscar Melendo ni nyuma yo guhindura umupira kwa Marc Navarro.

FC Barcelone izakira umukino wo kwishyura uteganyijwe tariki ya 25 uku kwezi kuri Camp Nou.

Oscar Melendo yatsinze nyuma yo gusimburaOscar Melendo yatsinze nyuma yo gusimbura
Quique Sanchez Flores wa Espagnol asuhuza Valvarde wa BarceloneQuique Sanchez Flores wa Espagnol asuhuza Valvarde wa Barcelone

ESPANYOL: Diego Lopez; Aaron (Didac 58), Naldo Duarte; Navarro, David Lopez, Fuego (Melendo 75), Victor Sanchez; Granero, Darder (Leo Baptistao 46); Moreno.

Abasimbura batakoreshejwe: P. Lopez, J. Lopez, Piatti, Hermoso.

BARCELONA: Cillessen; S. Roberto, Vermaelen, Pique, Digne; Alena (L. Suarez 59), Sergio, Paulinho (Rakitic 54); D. Suarez (Rafinha 78), Messi, A. Vidal.

Abasimbura batakoreshejwe: Ter Stegen, Semedo, Jordi Alba, Andre Gomes.

Mu yindi mikino ya ¼ yabaye, Diego Costa yatsindiye Atletico Madrid igitego cya gatatu mu mikino ine, ariko batsindirwa mu rugo na Seville ibitego 2-1.

Imikino ibanza ya ¼ cya Copa del Rey

Kuwa Gatatu

Atlético de Madrid 1-2 FC Séville
Valence 2-1 Alaves
Espanyol Barcelone 1-0 FC Barcelone

Kuwa Kane

22:30 Leganes vs Real Madrid

Map : Ahabanza  \  Burayi  \  Amakuru ashyushye

Ibitekerezo byatanzwe kuri iy'inkuru

  1. Nkenguruts

    Kuya 19-01-2018 saa 12:27'

    Barcelona Niyamber


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru