RUHAGOYACU.com

Barcelone yemeje kugaruka kwa Dembele wari umaze ibyumweru 15 mu mvune

Nyuma y’igihe kigeze ku mezi atatu atagaragara mu kibuga kubera imvune, Ousmane Dembele aragaruka mu kibuga muri uku kwa mbere nk’uko byatangajwe n’ikipe ya Barcelone akinira.

Binyuze mu butumwa ikipe ya FC Barcelone yashyize ku rubuga rwa Twitter, kuri uyu wa Kabiri, iyi kipe yemeje ko Dembele yamaze kwemererwa kugaruka mu kibuga nyuma y’amezi atatu n’igice ari mu mvune.

Barcelone yatangaje ko Ousmane Dembele yamaze gukira ndetse agaruka mu kibugaBarcelone yatangaje ko Ousmane Dembele yamaze gukira ndetse agaruka mu kibuga

Uyu mukinnyi w’imyaka 20 yavunikiye mu mukino wa shampiyona ya Espagne ubwo bakinaga na Getafe tariki ya 16 Nzeli 2017, asiba indi mikino yose yakurikiyeho, ubwo yajyaga kubagirwa muri Finland.

Dembele waciye agahigo ko kugurwa menshi mu mateka ya FC Barcelone ( miliyoni 97 z’ama-pound) ashobora kugaruka mu ikipe ya mbere kuri uyu wa Kane ubwo baza kuba bakina na Celta Vigo mu mukino ubanza wa 1/8 cya Copa del Rey.

Ousmane Dembele umaze gukina imikino itatu, yaje muri FC Barcelone aguzwe muri Borussia Dortmund yo mu Budage kuri miliyoni 105 z’ama-euro, mu ntangiriro za Kanama umwaka ushize, ni nyuma yaho iyi kipe yo muri Espagne yari imaze gutakaza Neymar wabaye umukinnyi uhenze ku Isi, agurwa na PSG kuri miliyoni 222 z’ama-euro.

Map : Ahabanza  \  Burayi  \  Amakuru ashyushye

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru