RUHAGOYACU.com

Carabao Cup: Tombora isize amakipe amenye ayo bazakina muri 1/4

Nyuma y’imikino ya 1/8 cya Carabao Cup cyahoze kitwa English Football League Cup yabaye kuwa Kabiri no kuwa Gatatu, tombora ya 1/4 yabaye kuri uyu wa Kane isize ikipe ya Manchester United ifite igikombe giheruka izahura na Bristol City.

Bristol City ni yo kipe itari mu cyiciro cya mbere mu Bwongereza isigaye muri iri rushawa, ni nyuma yaho isezereye Crystal Palace iyinyagiye ibitego 4-1 kuwa Kabiri.

Bristol City niyo kipe itari muri Premier League isigaye muri Carabao CupBristol City niyo kipe itari muri Premier League isigaye muri Carabao Cup

Muri iyi tombora yatangiye ikereweho hafi amasaha abiri kubera ikibazo cya tekiniki kuri Twitter mu Bwongereza ndetse hakaza gushyirwa hanze amashusho yafashwe mbere agaragaza ibyayivuyemo, Arsenal izakira West Ham United mu wundi mukino wa 1/4, Chelsea ihura na Bournemouth mu gihe Leicester City yabonye umutoza mushya Claude Puel wahoze atoza Southampton, waje gusimbura Craig Shakespeare, izakira Manchester City.

West Ham yasezereye Spurs izajya kwa Arsenal muri London derbyWest Ham yasezereye Spurs izajya kwa Arsenal muri London derby
Chelsea izakira B'mouth muri 1/4Chelsea izakira B’mouth muri 1/4
Claude Puel yagizwe umutoza wa Leicester City kuri uyu wa GatatuClaude Puel yagizwe umutoza wa Leicester City kuri uyu wa Gatatu

Uko amakipe yari yatsindanye muri 1/8

Kuwa Kabiri

AFC Bournemouth 3 - 1 Middlesbrough
Arsenal 2 - 1 Norwich City (AET )
Bristol City 4 - 1 Crystal Palace
Leicester City 3 - 1 Leeds United
Swansea City 0 - 2 Manchester United
Manchester City * 0 - 0 Wolverhampton Wanderers (AET - City bakomeje kuri penaliti)

Kuwa Gatatu

Chelsea 2 - 1 Everton
Tottenham Hotspur 2 - 3 West Ham United

Uko batomboranye muri 1/4 kuri uyu wa Kane

Bristol City vs Manchester United
Arsenal vs West Ham United
Leicester City vs Manchester City
Chelsea vs Bournemouth

Iyi mikino yose ya 1/4 iteganyijwe hagati ya tariki ya 19 na 20 Ukuboza 2017.

Map : Ahabanza  \  Burayi  \  Amakuru ashyushye

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru