RUHAGOYACU.com

Coutinho yakiniye Barcelone ku nshuro ya mbere, bagera muri ½ cya Copa del Rey

Nyuma yo kwerekeza mu ikipe ya FC Barcelone aciye agahigo ko kugurwa menshi muri iyi kipe, aho yatanzweho miliyoni 142 z’amapawundi avuye muri Liverpool, Philippe Coutinho yakiniye ikipe ye nshya ku nshuro ya mbere mu mukino basezereyemo Espanyol bagera muri ½ cya Copa del Rey.

FC Barcelone yasezereye Espanyol Barcelona ku bitego 2-1 mu mikino yombi, ni nyuma yaho umukino wo kwishyura wabereye Camp Nou, urangiye ari ibitego 2-0.

Luis Suarez yafunguye amazamu muri uyu mukino ku gitego yatsindishije umutwe ku munota wa cyenda w’umukino mbere y’uko Lionel Messi atsinda igitego cya kabiri cyahaye Barcelone kwizera gukomeza mu gice cya mbere cy’umukino, ku munota wa 25.

Luis Suarez yafunguye amazamu ku munota wa cyendaLuis Suarez yafunguye amazamu ku munota wa cyenda

Messi yatsinze igitego cya kabiri cyari icya 400 atsindiye Camp NouMessi yatsinze igitego cya kabiri cyari icya 400 atsindiye Camp Nou

Messi yashoboraga gutsindira FC Barcelone igitego cya gatatu mu gice cya kabiri, ariko umunyezamu Pau Lopez, akuramo umupira wari utewe n’uyu rutahizamu ukomoka muri Argentine wuzuzaga ibitego 400 kuri iki kibuga cya Camp Nou.

Habura iminota 23 ngo umukino urangire, Andres Iniesta yahaye umwanya Philippe Coutinho winjiye mu kibuga ku nshuro ya mbere akinira FC Barcelone, ni nyuma y’uko uyu mukinnyi aje muri iyi kipe afite imvune mu ntagiriro z’uku kwezi.

Uyu musore w’umunya-Brazil yashoboraga gutanga umupira uvamo igitego, ariko umupira yahaye Suarez ukurwamo n’umunyezamu Lopez.

Mu minota ya nyuma y’umukino, Espanyol yabonye uburyo bwashobora gutuma ikomeza ku gitego cyo hanze, ariko ikosa ryakorewe kuri rutahizamu wayo; Gerard Moreno ku munota wa 81 w’umukino, umusifuzi arabyirengagiza.

Philppe Coutinho yinjiye mu kibuga asimbuye Iniesta ku munota wa 67Philppe Coutinho yinjiye mu kibuga asimbuye Iniesta ku munota wa 67

Philippe Coutinho yakiniye Barcelone ku nshuro ya mbere kuva aguzwe menshi muri iyi kipePhilippe Coutinho yakiniye Barcelone ku nshuro ya mbere kuva aguzwe menshi muri iyi kipe

Barcelone ifite igikombe giheruka, yageze muri ½, aho isanze amakipe ya Seville, Leganes na Valencia.

Barcelona: Cillessen; Roberto, Pique, Umtiti, Alba; Vidal (Paulinho 62’), Busquets, Rakitic, Iniesta (Coutinho 67’); Messi, Suarez.

Abasimbura batakoreshejwe: Ter Stegen, Alcacer, Digne, Gomes, Mina.

Espanyol: Sabata; Ceciliano, Naldo, Hermoso, Caricol; Fuego; Sanchez, Granero (Garcia 64’), Lopez, Darder (Baptistao 45’); Gerard.

Abasimbura batakoreshejwe: Duarte, Lopez, Jimenez, Rios, Roca.

Coutinho ahoberana na Suarez bakinannye muri Liverpool, nyuma y'umukinoCoutinho ahoberana na Suarez bakinannye muri Liverpool, nyuma y’umukino

Javier Mascherano w'imyaka 33 yasezeye ku bafana ba Barcelone mbere yo kwerekeza muri Hebei China Fortune yo mu BushinwaJavier Mascherano w’imyaka 33 yasezeye ku bafana ba Barcelone mbere yo kwerekeza muri Hebei China Fortune yo mu Bushinwa

Map : Ahabanza  \  Burayi  \  Amakuru ashyushye

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru