RUHAGOYACU.com

Cristiano Ronaldo yahagaritswe imikino 5 muri Espagne

Rutahizamu w’ikipe ya Real Madrid; Cristiano Ronaldo yarangije guhagarikwa imikino itanu mu gihugu cya Espagne, ni nyuma yo gusunika umusifuzi mu mukino baraye batsinzemo FC Barcelone ibitego 3-1.

Cristiano Ronaldo wari umaze gutsindira Real Madrid igitego cya kabiri agakuramo umupira bikamuhesha ikarita ya mbere y’umuhondo, yabonye ubundi buryo bwo gutsinda igitego cya gatatu, yinjirana Umtiti mu rubuga rw’amahina, aguye umusifuzi amuha ikarita ya kabiri y’umuhondo, amushinja kwigusha.

Ronaldo w’imyaka 32, ntiyishimiye iki cyemezo asunika umusifuzi, ibintu bihanwa n’amategeko mu mupira w’amaguru mu gihugu cya Espagne kuva ku mikino ine kugeza ku mikino 12.

Ronaldo yahagaritswe imikino 5 nyuma yo guhabwa umutuku agasunika umusifuziRonaldo yahagaritswe imikino 5 nyuma yo guhabwa umutuku agasunika umusifuzi

Nyuma y’uko uyu musifuzi atanze muri raporo y’umukino ko Cristiano Ronaldo yamusunitse, uyu mukinnyi wa Real Madrid akaba yahanwe imikino itanu atagaragara mu kibuga nk’uko amategeko y’umupira wa Espagne abiteganya.

Iyi mikino itanu irimo umukino umwe wo kubona ikarita ya kabiri y’umuhondo yavuyemo umutuku n’imikino ine kubera gusunika umusifuzi.

Uyu mukinnyi ukomoka muri Portugal azakinira Real Madrid muri Champions League, ariko muri Espagne ho azongera gukina tariki ya 20 Nzeli bahura na Real Betis..

Imikino itanu azasiba harimo uwo bazakiramo FC Barcelone kuri uyu wa Gatatu muri Super Cup, uwo bazasuramo Deportivo La Coruna tariki ya 20 uku kwezi muri shampiyona, uwo bazakiramo Valencia tariki ya 27, uwo bazakiramo Levante tariki ya 9 z’ukwezi gutaha n’uwo bazasuramo Real Sociedad tariki ya 17 Nzeli 2017, imikino yose ya shampiyona.

Map : Ahabanza  \  Burayi  \  Amakuru ashyushye

Ibitekerezo byatanzwe kuri iy'inkuru

  1. Jados

    Kuya 15-08-2017 saa 12:29'

    Ronalido Ihangane Bibaho Ariko Ntuzongere Kbs.

  2. Gérard

    Kuya 15-08-2017 saa 08:37'

    Ndabona Izotuzohura Atarimwo Ntabwoba Ziteye Zi 2 Zonyene Nazo Ni Ele Classico Na Real Sociedade

  3. khan

    Kuya 14-08-2017 saa 20:32'

    Kuba umukinyi ukomeye ntibikuraho ko ari umuntu. amakosa yakoze ni ibisanzwe. Zidane nk ’umutoza we ko yateye umutwe materazi!

  4. Mn

    Kuya 14-08-2017 saa 20:10'

    yarenganye kabsa!!!!!!

  5. Ndiho

    Kuya 14-08-2017 saa 17:30'

    Cristiano nk’ umukinnyi ukomeye yakoze amakosa atari ngombwa rwose ! ni gute yasunitse umusifuzi azirikana anafite jaune ?


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru