RUHAGOYACU.com

Ku myaka 20, Ousmane Dembele yaguzwe na Barcelone miliyoni 135 z’ama-pound

Ikipe ya FC Barcelone yamaze kwemeranywa na Borussia Dortmund kugura umukinnyi wayo wo hagati mu kibuga, ukina asatira uzamu; Ousmane Dembele w’imyaka 20 kuri miliyoni 135.5 z’ama-pound, aba umukinnyi wa kabiri uhenze mu mateka ya ruhago ku Isi nzima.

Barcelone izabanza kwishyura miliyoni 96.8 z’ama-pound kuri uyu musore ukomoka mu Bufaransa, aho azasinya imyaka itanu ndetse azakora ikizamini cy’ubuzima kuwa Mbere w’icyumweru gitaha.

Iyi kipe yo muri Espagne ivuga ko igihe hari iyinsi kipe yakwifuza uyu mukinnyi mushya wayo, yo yaba isabwa kwishyura miliyoni 400 z’ama-euro kugira ngo imukure i Catalona.

Dembele ntiyigeze agaragara mu mukino wa Super Cup y’u Budage tariki ya 5 z’uku kwezi. Ni nyuma yaho Barcelone yari yamaze gusaba uyu mukinnyi muri Dortmund ndetse uyu yaje guhagarikwa kubera gusiba imyitozo.

Dembele w'imyaka 20, abaye umukinnyi wa kabiri uhenze ku IsiDembele w’imyaka 20, abaye umukinnyi wa kabiri uhenze ku Isi

Mu mwaka ushize w’imikino, Ousmane Dembele yatsinze ibitego 10, atanga imipira 21 yavuyemo ibindi bitego, ubwo Borussia Dortmund yasozaga ku mwanya wa gatatu muri shampiyona, ikegukana igikombe cy’igihugu ndetse bakabasha no kugera muri 1/4 cya UEFA Champions League.

Uyu musore yageze muri Dortmund muri Gicurasi 2016 aguzwe muri Rennes yo mu Bufaransa, aho yari amaze gutorwa nk’umukinnyi w’umwaka ukiri muto nyuma yo gutsinda ibitego 12, agatanga imipira itanu yavuyemo ibindi bitego.

Dembele yatangiye gukinira iki[e y’igihugu y’u Bufaransa mu 2016, aho amaze kuyitsindira igitego 1 mu mikino 7, ubwo bakinaga n’u Bwongereza, bakabutsinda ibitego 3-2 muri Kamena uyu mwaka.

Uyu mukinnyi ntiyongeye guhamagarwa mu ikipe y’igihugu yitegura imikino ibiri itaha mu kwezi kwa cyenda, aho umutoza Didier Deschamps yavuze ko ataramenya neza ahazaza he.

Abakinnyi bahenze mu mateka ya ruhago ku Isi

2017 - Neymar £200m (Barcelona --->Paris St-Germain)

2017 - Ousmane Dembele £135.5m (Dortmund ----> Barcelona, Bigomba kurangizwa)

2016 - Paul Pogba £89m (Juventus -----> Manchester United)

2013 - Gareth Bale £85m (Tottenham Hotspur -----> Real Madrid)

2009 - Cristiano Ronaldo £80m (Manchester United ------> Real Madrid)

Map : Ahabanza  \  Burayi  \  Amakuru ashyushye

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru