RUHAGOYACU.com

Lewis Hamilton yegukanye Formula 1 ya 2017, aca agahigo ko kuba umwongereza wa mbere uyitwaye inshuro nyinshi

Umwongereza yaciye agahigo ko kuba umwongereza wa mbere wegukanye irushamwa ryo gusigamwa mu tumodoka duto (Formula 1) inshuro nyinshi kurusha abandi bongereza, ubwo yegukanaga shampiyona ya 2017 kuri iki cyumweru muri Mexique.

Hamilton w’imyaka 32 y’amavuko akaba yaciye kri Sir Jackie Stewart umwongereza wari ufite na we Formula 1 inshuro 3, akaba yahise afata Sebastien Vettel wa Ferrari bari bahanganye cyane, kimwe n’umufaransa Alain Prost wari ukomeye mu myaka ya za 90.

JPEG - 192.7 kb
Hamilton yegukanye Formula 1 ku nshuro ya 4

Mu irushamwa ryabaye mu mpera z’iki cyumweru muri Mexique ryegukanywe n’umukinnyi Max Verstappen wa Red Bull, nyuma yaho Lewis Hamilton atangiye nabi akagongana na Sebastian Vettel bari bahanganiye iyi shampiyona ya 2017.

Iyi Grand Prix yo muri Mexique yagiye gutangira Hamilton asabwa amanota 9 gusa agahita yegukana shampiyona.

Mu ntangirirpo ntabwo byamworoheye kuko yagonganye n’uyu mugenzi we wa Ferrari, biza gutuma yisanga inyuma y’abandi bakinnyi bose, ariko aza guhatana abasha gufata umwanya wa 9, ahita agira amanota 333 arusha Vettel wa 2 amanota 56 hasigaye amarushanwa 2 yonyine.

Muri aya marushamwa 2 asigaye amanota menshi ashoboka kubonekamo ni 50, bivuga ko niyo Lewis Hamilton atagaragara muri Brazil cyangwa Abu Dhabi, uyu mudage adashobora kuba yazamufata.

JPEG - 139.5 kb
Max Verstappen yabaye u wa mbere muri Mexique

Hamilton yegukanye Formula 1 ya 4, ikaba inshuro ya 3 mu myaka 4 amaze muri Mercedes Benz, abasha kwegukana uyu mwanya.

Uyu mwongereza wahoze muri Vodafone McLaren Mercedes, niho yegukaniye Formula 1 ya mbere muri 2007 afite imyaka 22 gusa y’amavuko, akaba yari abaye umukinnyi muto ubashije kwegukana Formula 1 kuri iyi myaka.

Formula 1 isigaranye amasiganwa 2 muri uyu mwaka harimo irushanwa rizabera muri Brazil mu byumweru 2 biri imbere, ndetse n’irushanwa risoza rizabera Abu Dhabi muri Arabia Saoudite kuva tariki ya 24-26 Ugushyingo muri uyu mwaka.

Hamilton na Sebastian Vettel bagiye guhatana mu gihe kiri imbere, bashaka kureba niba hari uwafata umudage Michael Schumacher ubitse shampiyona y’isi inshuro 7. Uyu mugabo amaze hafi imyaka 4 ari mu bitaro nyuma y’impanuka ikomeye yagiriye mu misozi ya Alpes mu Bufaransa.

Uko abakinnyi bakurikirana muri uyu mwaka:

  • 1 Lewis Hamilton (Gbr) Mercedes 333pts
  • 2 Sebastian Vettel (Ger) Ferrari 277
  • 3 Valtteri Bottas (Fin) Mercedes 262
  • 4 Daniel Ricciardo (Aus) Red Bull 192
  • 5 Kimi Raikkonen (Fin) Ferrari 178
  • 6 Max Verstappen (Hol) Red Bull 148
  • 7 Sergio Perez (Mex) Force India 92
  • 8 Esteban Ocon (Fra) Force India 83
  • 9 Carlos Sainz (Spa) Renault 54
  • 10 Lance Stroll (Can) Williams 40
  • 11 Felipe Massa (Bra) Williams 36
  • 12 Nico Hulkenberg (Ger) Renault 34
  • 13 Romain Grosjean (Fra) Haas 28
  • 14 Kevin Magnussen (Den) Haas 19
  • 15 Stoffel Vandoorne (Bel) McLaren 13
  • 16 Fernando Alonso (Spa) McLaren 11
  • 17 Jolyon Palmer (Gbr) Renault 8
  • 18 Pascal Wehrlein (Ger) Sauber 5
  • 19 Daniil Kvyat (Rus) Toro Rosso 5
  • 20 Marcus Ericsson (Swe) Sauber 0
  • 21 Antonio Giovinazzi (Ita) Haas 0
  • 22 Pierre Gasly (Fra) Toro Rosso 0
  • 23 Brendon Hartley (Nzl) Toro Rosso 0
  • 24 Jenson Button (Gbr) McLaren 0
  • 25 Paul di Resta (Gbr) Williams 0
JPEG - 64.8 kb
Lewis Hamilton nyuma yo kwegukana Formula 1 ku nshuro ya 4, ubu yatangiye no gutekereza ku ya 5
Map : Ahabanza  \  Burayi  \  Amakuru ashyushye

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru