RUHAGOYACU.com

Lionel Messi yahawe asaga miliyari 91 na Barcelone yongera amasezerano

Rutahizamu w’ikipe ya FC Barcelone ukomoka mu gihugu cya Argentine; Lionel Messi yamaze kongera amasezerano muri Barcelone, aho yashyize umukino ku masezerano azamugeza mu 2021 ari muri iyi kipe yo muri Espagne.

Lionel Messi wari umaze amezi asaga ane yaranze kongera amasezerano nyamara ikipe ye yaratangaje ko yemeye kuyongera muri Nyakanga, yahawe miliyoni 80 z’ama-pound (£80m) hafi 91, 183, 348, 220 mu mafaranga y’u Rwanda maze yongera amasezerano kuri uyu wa Gatandatu.

Uretse aya mafaranga kandi, Messi yemerewe na Barcelone kuzajya ahabwa umushahara w’ibihumbi 500 by’ama-pound ku cyumweru mu gihe ikipe yamwifuza yo yakwishyura agera kuri miliyoni 626 z’ama-pound ((£626m).

Byavugwaga ko Manchester City yo mu Bwongereza yashakaga kwishyura agera kuri miliyoni 368 z’ama-pound ngo igure uyu mukinnyi mu mwaka utaha.

Barcelone yatangaje ko Messi yongereye amasezerano nyamara ntiyari yagasinye kuva mu kwezi kwa 7Barcelone yatangaje ko Messi yongereye amasezerano nyamara ntiyari yagasinye kuva mu kwezi kwa 7
Babinyujije kuri Twitter, Barcelone bemeje ko Messi yasinye kugeza mu 2021Babinyujije kuri Twitter, Barcelone bemeje ko Messi yasinye kugeza mu 2021
Lionel Messi yahawe asaga miliyari 91 na Barcelone yongera amasezerano kugeza mu 2021Lionel Messi yahawe asaga miliyari 91 na Barcelone yongera amasezerano kugeza mu 2021

Messi yatangiye gukina muri FC Barcelone mu 2004, afite imyaka 13, aho mu minsi igera ku 4,788 amaze atangiye kuyikinira yatwaranye nayo ibikombe birimo:

La Liga (8): 2004-05, 2005-06, 2008-09, 2009-10, 2010-11, 2012-13, 2014-15, 2015-16.

Copa del Rey (5): 2008-09, 2011-12, 2014-15, 2015-16, 2016-17.

Champions League (4): 2005-06, 2008-09, 2010-11, 2014-15.

Ku giti cye:

Ballon d’Or/FIFA Ballon d’Or (5): 2009, 2010, 2011, 2012, 2015.

Lionel Messi mu mibare:

4,788 - Iminsi amaze ari umukinnyi wa Barcelone kuva atangiye kuyikinira
361 - Ibitego afite muri La Liga nk’uwaciye agahigo
40 -Hat-trick yatsinze mu buzima bwe; 36 muri Barcelona, 4 muri Argentina.
30 - Ibikombe yatwaranye na Barcelone
8 - Ibikombe bya La Liga
4 - Ibikombe bya Champions League


Messi yatwaranye na FC Barcelone UEFA Champions League 4Messi yatwaranye na FC Barcelone UEFA Champions League 4

Ese ibi wari ubizi?

Ko ari we mukinnyi utavuka muri Espagne umaze gukinira Barcelone imikino myinshi (602).

Ko ari we umaze gutsinda ibitego byinshi mu mateka ya shampiyona ya Espagne (361)

Ko ari we mukinnyi umaze gutsindira ikipe imwe ibitego byinshi muri Champions League (97)

Ko ari we ufite agahigo ko gutsinda ibitego byinshi mu mwaka umwe w’imikino muri La Liga ( 2011-12 atsinda ibitego 50)

Ko ari we mukinnyi watsinze ibitego mu mikino myinshi yikurikiranya muri Liga, mu mikino 21 muri 2012-13.

Ko ari we ufite ibitego byinshi mu mateka y’umukino wa El Clasico bahuriramo na Real Madrid (24)

Ko ari umukinnyi wa gatatu wa Barcelone wabashije kuyikinira byibuze imikino 600 mu marushanwa yose.

Map : Ahabanza  \  Burayi  \  Amakuru ashyushye

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru