RUHAGOYACU.com

Manchester United ku isonga ry’amakipe akize ku Isi, Real Madrid ku mwanya wa 3

Ikipe ya Manchester United yo mu gihugu cy’u Bwongereza, iyoboye urutonde rw’amakipe ahenze ku Isi, nk’uko bitangazwa na The Forbes Magazine yo muri Amerika, aho United ibarirwa akayabo ka miliyari 2.86 z’ama-pound (£2.86bn).

Uyu mwanya, iyi kipe yatwaye Europa League iwugarutseho bwa mbere mu myaka itanu, aho iri mbere ya FC Barcelone na Real Madrid yegukanye La Liga na UEFA Champions League icya rimwe, ni nyuma yo kumara imyaka ine ari yo iyoboye.

Muri rusange, amakipe atandatu ya Premier League ari mu 10 ya mbere; Manchester United, Manchester City, Chelsea, Liverpool na Tottenham mu gihe kandi harimo n’ikipe ya Juventus yegukanye shampiyona y’abataliyani, kimwe na Bayern Munich yo mu Budage.

Manchester United yinjije miliyoni 593 z’ama-pound mu mwaka w’imikino 2015/16, miliyoni 60 z’ama-pound kurenza Barcelone na Real Madrid.

Iyi kipe kandi ikaba ariyo ishobora kungukirwamo amafaranga menshi ku Isi, aho inyungu ingana na miliyoni 223 z’ama-pound, miliyoni 83 kurenza ikipe ya Real Madrid iyigwa mu ntege.

Amakipe 10 akize ku Isi nk’uko bitangazwa na Forbes

  1. Manchester United - US$3.69bn (£2.86bn)
  2. Barcelona - $3.64bn (£2.82bn)
  3. Real Madrid - $3.58bn (£2.77bn)
  4. Bayern Munich - $2.71bn (£2.10bn)
  5. Manchester City - $2.08bn (£1.61bn)
  6. Arsenal - $1.93bn (£1.50bn)
  7. Chelsea - $1.85bn (£1.43bn)
  8. Liverpool - $1.49bn (£1.15bn)
  9. Juventus - $1.26bn (£980m)
  10. Tottenham - $1.06bn (£820m)
Map : Ahabanza  \  Burayi  \  Amakuru ashyushye

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru