RUHAGOYACU.com

Real Madrid inyagiye Barca mu mikino 2 y’igikombe kiruta ibindi muri Espagne

Ikipe ya Real Madrid itsinze Barcelona ibitego 5-1 mu mikino 2 y’igikombe kiruta ibindi muri Espagne, ihita icyegukana nyuma y’umukino wa 2 wabaye kuri uyu wa 3 kuri Estadio Bernabeu.

Iyi kipe ya Real Madrid nubwo itari ifite amukinnyi wayo w’igikomerezwa Cristiano Ronaldo yitwaye neza muri uyu mukino wa 2, itsinda Barcelona ibitego 2-0.

Hakiri kare cyane umusore ukiri muto Marco Asensio yatsinze igitego cyiza ari inyuma y’urubuga rw’amahina, na Karim Benzema aza gutsinda igitego cyiza mbere y’uko igice cya mbere cy’umukino kirangira, ku mupira yari ahawe na Marcello.

JPEG - 126.7 kb
Asensio wafunguye amazamu
JPEG - 93.8 kb
Benzema ashyiramo igitego cya 2
JPEG - 141.9 kb
Ronaldo yamanutse aza guterura igikombe

Ni inshuro ya 10 Real Madrid yegukana iki gikombe kiruta ibindi mu gihugu cya Espagne. Kikaba kibaye igikombe cya 4 Zidane yegukanye muri 2017, nyuma ya shampiyona, champions League, n’igikombe kiruta ibindi ku mugabane w’i Burayi.

Zinedine Zidane utoza Rela Madrid yakoze impinduka cyane ugereranije n’ikipe yatsinze Barcelona ku cyumweru gishize, aho Casemiro mu kibuga hagati yahaye umwanya Modric.

Real ntabwo yarii ifite Ronaldo watangiye ibihano byo gusiba imikino 5. Gusa ntibyabujije Zidane kwicaza Bale na Isco, Benzema asigara imbere ari kumwe na Asensio na Lucas Vasquez.

JPEG - 90.1 kb
Messi na bagenzi be ntacyo babashije gukora Real Madrid

Barcelona nayo yari yakoze impinduka muri uyu mukino, aho umutoza Valverde yakinishije abakinnyi 3 inyuma, bituma Mascherano abanzamo na Andre Gomez yafashe umwanya wa Iniesta urwaye, naho Deulofeu atakaza umwanya, Suarez na Messi basigara imbere bonyine.

Uyu mukino wagoye cyane Barcelona byashobokaga ko yari gutsindwa ibirenze 2, n’ubwo nayo yagiye ibona amahirwe macye.

Igikomeje kugarukwaho n’ibinyamakuru byo muri Espagne, ni uko iyi kipe igomba kugura Dembele na Coutinho, igashaka uko yakongera kwiyubaka, dore ko bigaragara cyane ko yashegeshwe no kugenda kwa Neymar.

JPEG - 72.9 kb
Zidane utoza Real Madrid yegukanye igikombe cya 7 mu mwaka n’igice amaze atoza iyi kipe
JPEG - 98.6 kb
Valverde akeneye abakinnyi bashya

Abakinnyi bagaragaye muri uyu mukino:

Real Madrid: Keylor; Carvajal, Ramos, Varane, Marcelo; Kovacic (Casemiro, min. 62), Kroos (Dani Ceballos, min. 80), Modric; Asensio (Theo, min. 75), Benzema, Lucas.

Barcelona: Ter Stegen; Mascherano, Pique (Semedo, min. 50), Umtiti; Sergi Roberto, Jordi Alba (Digne, min. 78); Busquets, Rakitic, Andre Gomes (Deulofeu, min. 74); Messi, Suarez.

Map : Ahabanza  \  Burayi  \  Amakuru ashyushye

Ibitekerezo byatanzwe kuri iy'inkuru

  1. FIRMINO

    Kuya 17-08-2017 saa 22:21'

    niby kbx barca ikeney aband bakinny bafit akazoza kuko nitababona irashy izarya byinsh cyaneeee!!!

  2. -####-

    Kuya 17-08-2017 saa 09:44'

    Seb wirengera kuko ntukagereranye ibitagererabywa kuko rugiy kugererany barc yab apr kuko niyo yakubiswe cyn igatwaranigikombe gito nkicyo barc yatway so wisobanya kbsa

  3. bsc

    Kuya 17-08-2017 saa 06:45'

    Dore agakipe ngo kara seba we. pole

  4. seba

    Kuya 17-08-2017 saa 05:52'

    iyi ni rayon sport yomubindi bihugu ndabarahiye neymar uzubwenge


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru