RUHAGOYACU.com

Ibihembo bya Premier League bisize Sunderland ibonye aruta ayo Leicester yahawe itwara igikombe

Uyu mwaka w’imikino muri shampiyona y’ubwongereza (2016 - 2017) wabonetsemo amafaranga menshi ku makipe yo mu kiciro cya mbere (Premier League), biturutse ku buryo amakipe yerekanywe ku mateleviziyo, imyanya yabonye, uburyo yamamaje n’ibindi, ariko igitangaje ni uko Sunderland yabaye iya nyuma yabonye amafaranga aruta ayo Leicester City yabonye umwaka wabanje (2015 -2016) ubwo yatwaraga igikombe cya shampiyona.

Umwaka wabanje (2015 - 2016) ikipe ya Leicester City itwara igikombe yahawe amafaranga angana na miliyoni 93 n’ibihumbi 219 y’amapawundi (Pound : amafaranga akoreshwa mu bwongereza), mu gihe Sunderland yabaye iya nyuma (2016 - 2017) yahawe angana na miliyoni 93 n’ibihumbi 471 y’amapawundi.

Leicester City yagitwaye 2015 - 2016 yarushijwe n'iya nyuma mu mwaka wa 2016 - 2017Leicester City yagitwaye 2015 - 2016 yarushijwe n’iya nyuma mu mwaka wa 2016 - 2017

Uyu mwaka w’imikino wa 2016 - 2017, niwo amakipe abonye amafaranga menshi ugereranije n’indi myaka yabanje, kuko nka Chelsea FC yatwaye igikombe cya shampiyona cy’uyu mwaka yahawe miliyoni 150 n’ibihumbi 800 y’amapawundi hafi gukuba kabiri ayo Leicester City yari yabonye umwaka ushize (2015 - 2016), ubwo yatwaraga igikombe.

Chelsea yabonye arenga miliyoni 150 z'amapawundi Chelsea yabonye arenga miliyoni 150 z’amapawundi

Igiteranyo cy’amafaranga yose yatanzwe muri iyi gahunda muri uyu mwaka w’imikino wa 2016 - 2017 angana na miliyari 2 na miliyoni 400 y’amapawundi yatanzwe ku makipe 20, mu gihe umwaka wabanje (2015 - 2016) hari hatanzwe angana na miliyari 1 na miliyoni 600 y’amapawundi.

Uko Premier League yishyuye Amakipe 2016 - 2017.

uko amakipe yabonye amafraangauko amakipe yabonye amafraanga

Aya mafaranga ashingiye ku bikorwa byo gutangaza n’iby’ubucuruzi n’ibindi biciro by’amafaranga.

Umwanya ikipe yabonye nawo urarebwa mu guhemba amakipe.

Ikipe ya Arsenal yari yabonye menshi umwaka ushize kurusha ayandi, aho yari yabonye angana na miliyoni 100 n’ibihumbi 900 y’amapawundi.

Aya mafaranga ya Arsenal yabonye umwaka ushize (2015 - 2016) ntacyo avuze uyu mwaka kuko amakipe atatu ya nyuma muri uyu mwaka (Hull, Middlesbrough na Sunderland ) niyo yonyine atabashije kuyageraho.

Arsenal uyu mwaka nayo yabonye menshi kurusha ayo yari yabonye umwaka ushize(kandi ariyo yari yabonye menshi kurusha ayandi makipe yose).

Map : Ahabanza  \  Burayi  \  Amakuru ashyushye

Ibitekerezo byatanzwe kuri iy'inkuru

  1. gregory manirakiza

    Kuya 2-06-2017 saa 13:25'

    arsenal ni nkaho yasubiye inyuma

  2. Ukuri Kuraryana

    Kuya 2-06-2017 saa 11:57'

    Aya Mafr Equipes Abona Nayabanyiri Equipe Ariko Ntacyo Afasha Igihu Ushingiye Kuri Equipe National Ya England.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru