RUHAGOYACU.com

Umudage ku isonga mu banyezamu 10 ba mbere ku Isi

Mu matora yakoreshejwe n’ikinyamakuru France Football cyo mu Bufaransa muri iki cyumweru, Manuel Neuer umudage ukinira ikipe ya Bayern Munich ni we watowe nk’umunyezamu mwiza kurusha abandi ku Isi.

France Football yifashishije akanama k’abahanga bahoze ari abanyezamu mu myaka yashize mu buryo bumwe bunakurikizwa hatorwa uhabwa Ballon d’Or, aka katoye Manuel Neuer nk’umunyezamu uhiga abandi n’amanota 30.

Manuel Neuer yatowe nk'umunyezamu wa mbere ku IsiManuel Neuer yatowe nk’umunyezamu wa mbere ku Isi

Santiago Canizares, Lionel Letizi, Sepp Maier, Mark Schwarzer na Francesco Toldo ni bo bari bagize aka kanama katoye abanyezamu beza ku Isi mu matora yakoreshejwe n’iki kinyamakuru gisanzwe kizwiho gutanga igihembo cy’umukinnyi wa mbere ku Isi (Ballon d’Or).

Santiago Canizares, Lionel Letizi, Sepp Maier na Mark bose batoye Neuer nk’umunyezamu wa mbere.

Uwahoze ari umunyezamu w’ikipe y’igihugu y’u Butaliyani ukinira ikipe ya Juventus; Gianluigi Buffon yatowe nk’umunyezamu wa kabiri n’amanota 13, akurikirwa na Thibaut Courtois umubiligi ukinira Chelsea n’amanota icyenda mu gihe Jan Oblak wa Atletico Madrid na Hugo Lloris w’Ubufaransa na Tottenham banganyije amanota arindwi.

Keylor Navas ufatira ikipe ya Real Madrid yatowe nk’umunyezamu wa gatandatu, David De Gea wa Manchester United aba uwa karindwi.

Buffon yamaze gusezerera mu ikipe y'igihugu y'u ButaliyaniBuffon yamaze gusezerera mu ikipe y’igihugu y’u Butaliyani
Thibaut Courtois yatowe nk'umunyezamu wa gatatu mwizaThibaut Courtois yatowe nk’umunyezamu wa gatatu mwiza

Hugo Lloris kapiteni wa Tottenham ari mu banyezamu beza batoweHugo Lloris kapiteni wa Tottenham ari mu banyezamu beza batowe
Keylor Navas wa Real Madrid yaje ku mwanya wa gatandatuKeylor Navas wa Real Madrid yaje ku mwanya wa gatandatu
David De Gea wa Manchester United aza ku mwanya wa karindwiDavid De Gea wa Manchester United aza ku mwanya wa karindwi


Abanyezamu 10 ba mbere

  • 1. Manuel Neuer (Germany & Bayern Munich) amanota 30
  • 2. Gianluigi Buffon (Italy & Juventus) amanota 13
  • 3. Thibaut Courtois (Belgium & Chelsea) amanota 9
  • 4. Hugo Lloris (France & Tottenham); Jan Oblak (Slovenia & Atletico Madrid) amanota 7
  • 6. Keylor Navas (Costa Rica & Real Madrid) amanota 5
  • 7. David de Gea (Spain & Manchester United) amanota 4
  • 8. Marc-Andre Ter Stegen (Germany &Barcelona) amanota 3
  • 9. Samir Handanovic (Inter Milan) amanota 2

Uburyo bwakoreshejwe hatorwa aba banyezamu ni nka bumwe bukoreshwa muri Ballon d’Or- Amanota atandatu ku waje imbere, amanota ane kuwa kabiri, amanota atatu ku wa gatatu, amanota abiri kuwa kane n’inota rimwe ku wa gatanu.

Santiago Canizares

1. Neuer 2. Navas 3. Courtois 4. Oblak 5. De Gea

Lionel Letizi

1. Neuer 2. Buffon 3. Lloris 4. Ter Stegen 5. Courtois

Sepp Maier

1. Neuer 2. Buffon 3. Oblak 4. Courtois 5. Ter Stegen

Mark Schwarzer

1. Neuer 2. Lloris 3. Courtois 4. Oblak 5. Buffon

Francesco Toldo

1. Neuer 2. Buffon 3. De Gea 4. Handanovic 5. Navas

Map : Ahabanza  \  Burayi  \  Amakuru ashyushye

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru