RUHAGOYACU.com

Umunyekongo Cedrick Bakambu agiye kuba umukinnyi uhenze muri Afurika

Rutahizamu w’umunyekongo Cedrick Bakambu ukinira ikipe ya Villarreal yo mu gihugu cya Espagne agiye kuba umukinnyi uhenze mu mateka y’umupira w’amaguru muri Afurika, aho ikipe ya Beijing Guoan yo mu Bushinwa igiye kumutangaho miliyoni 65 z’amapawundi.

Uyu musore w’imyaka 27 azajya ahabwa ibihumbi 370 by’amapawundi ku cyumweru akinira iyi kipe yo mu Bushinwa.

Cedrick Bakambu yifuzwaga kandi n’amakipe yo mu Bwongereza, arimo Tottenham, Newcastle, West Ham na West Brom ariko ikipe ya Beijing Guoan yemeye kumugura miliyoni 35 z’amapawundi ndetse izatanga andi angana na miliyoni 30 y’imisoro mu Ishyirahamwe ry’umupira w’amaguru ryabo.

Cedrick Bakambu yakoze ikizamini cy'ubuzima mu BushinwaCedrick Bakambu yakoze ikizamini cy’ubuzima mu Bushinwa
Cedrick Bakambu ahanganye na Ivan Rakitic wa FC BarceloneCedrick Bakambu ahanganye na Ivan Rakitic wa FC Barcelone

Bakambu yavukiye i Vitry-sur-Seine mu Bufaransa, atangira gukina ruhago mu 2010 ari mu ikipe ya Sochaux, ayivamo mu 2014 yerekeza muri Bursaspor yo muri Turikiya yakiniye imyaka ibiri imbere yo kwerekeza muri Villarreal mu 2015 kugeza ubu.

Mu mikino 248 yakiniye aya makipe yose, yatsinze ibitego 88, mu gihe mu ikipe y’igihugu ya Congo Kinshasa, Cedrick Bakambu amaze kuyikinira imikino 16, ayitsinda ibitego birindwi.

Uyu mukinnyi yatangiye gukina ari muri Soachaux mu BufaransaUyu mukinnyi yatangiye gukina ari muri Soachaux mu Bufaransa
Bakambu yishimira igitego muri Copa del Rey umwaka ushizeBakambu yishimira igitego muri Copa del Rey umwaka ushize

Bakambu yatwaranye n’Ubufaransa igikombe cy’Uburayi cy’abatarengeje imyaka 19 mu 2010, aza mu ikipe ya Europa League (2015-16) ndetse yanatowe nk’umukinnyi w’ukwezi kwa 10 mu mwaka ushize wa 2017 muri shampiyona ya Espagne, La Liga.

Beijing Guoan nirangiza kwishyura aya mafaranga, Bakambu araba umukinnyi uhenze mu mateka y’abakinnyi b’umupira w’amaguru muri Afurika, ahigitse Mohamed Salah wa Liverpool wari waguzwe miliyoni 39 z’ama-pound ava muri AS Roma umwaka ushize.

Mohamed Salah ni we wari umukinnyi uhenze muri AfurikaMohamed Salah ni we wari umukinnyi uhenze muri Afurika
Cedrick Bakambu arayobora abakinnyi bahenze muri AfurikaCedrick Bakambu arayobora abakinnyi bahenze muri Afurika

Abakinnyi 5 b’abanya-Afurika bahenze

  1. Cedric Bakambu (£65m)
  2. Mohamed Salah (£39m)
  3. Sadio Mane (£34m)
  4. Eric Bailly (£30m)
  5. Islam Slimani (£28m)
Map : Ahabanza  \  Burayi  \  Amakuru ashyushye

Ibitekerezo byatanzwe kuri iy'inkuru

  1. peter

    Kuya 11-01-2018 saa 19:37'

    aba batipe bo hakurya ni Danger

  2. ntirenganya emmy

    Kuya 11-01-2018 saa 19:30'

    mwibagiwe keyit wa Liverpool waguzwe 70.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru