RUHAGOYACU.com

Abakinnyi 50 bamaze guhindura amakipe i Burayi

Isoko ry’igura n’igurisha muri iyi mpeshyi, rirarimbanyije i Burayi, aho amakipe akomeje kwiyubaka uretse ikipe ya Atletico Madrid itemerewe kugura nyuma yo gufatirwa ibihano n’urukiko rwa siporo (CAS).

Iyi kipe ya Atletico Madrid yo mu gihugu cya Espagne, ikaba ishobora kugura abakinnyi ariko igatangira kubakinisha mu kwezi kwa mbere k’umwaka utaha wa 2018, ubwo izaba ikomorewe, igasubira ku isoko.

RuhagoYacu irakugezaho abakinnyi basaga 50 bamaze guhindura amakipe ku mugabane w’u Burayi, aho berekeje, amasezerano basinye n’amafaranga bagiye bagurwa.

1. Alexandre Lacazette

Uyu rutahizamu w’umufaransa, yakiniraga ikipe ya Lyon ariko yamaze kugurwa na Arsenal agera kuri miliyoni 60 z’ama-euro, asinya amasezerano y’imyaka 5.

Lacazette w’imyaka 26 akaba yabaye umukinnyi uhenze Arsenal nyuma ya Mesut Ozil waguzwe miliyoni 42.4 z’ama-pound mu 2013 ubwo yavaga muri Real Madrid.

2. Theo Hernandez

Myugariro w’imyaka 19 wari mu ikipe ya Atletico Madrid yamaze kugurwa na Real Madrid mu gihe kingana n’imyaka 6.

Uyu wari umaze umwaka yaratijwe muri Alaves, bivugwa ko yaba yatanzweho agera kuri miliyoni 26 z’ama-euro.

3. Pepe

Myugariro w’imyaka 34 wakiniraga Real Madrid yerekeje mri Besiktas yo muri Turquia ku masezerano y’imyaka ibiri, yigurishije.

4. Luiz Gustavo

Uyu mukinnyi wo hagati w’imyaka 29, yavuye muri Wolfsburg ajya muri Olympique Marseille atanzweho miliyoni 8 z’ama-euro ku masezerano y’imyaka 4.

5. Adam Ounas

Adam Ounas w’imyaka 20, ukina nka rutahizamu, yavuye muri Bordeux mu Bufaransa, yerekeza muri Napoli yo mu Butaliyani ku masezerano y’imyaka 5, atanzweho miliyoni 10 z’ama-euro.

6. Michael Keane

Keane, myugariro w’imyaka 24 yavuye muri Burnley ajya muri Everton, asinya imyaka 5 kuri miliyoni 29 z’ama-euro.

7. Terence Kongolo

Kongolo, myugariro w’imyaka 23 yavuye muri Feyenoord mu Buholandi, yerekeza mu ikipe ya As Monaco yo mu Bufaransa, aho yatanzweho miliyoni 13 z’ama-euro, asinya imyaka 5.

8. Maxime Gonalons

Ku myaka 28, Maxime Gonalons ukina hagati mu kibuga, yerekeje muri AS Roma avuye muri Lyon yo mu Bufaransa, aho yasinye imyaka 4 atanzweho miliyoni 5 z’ama-euro.

9. Leandro Paredes

Paredes w’imyaka 23, akina hagati mu kibuga. Uyu yerekeje muri Zenit Saint-Petersburg mu Burusiya, avuye muri AS Roma yo mu Butaliyani, ku masezerano y’imyaka 4, aho yaguzwe miliyoni 23 z’ama-euro.

10. Younes Belhanda

Ku myaka 27, Uyu mugabo wo muri Algeria ukina hagati asatira izamu, yamaze kuva muri Dynamo Kiev yerekeza muri Galatasaray, aho yasinye imyaka 4 kuri miliyoni 8 z’ama-euro.

11. Ferland Mendy

Myugariro w’imyaka 22 yavuye muri Le Havre yerekeza muri Lyon, amakipe yombi yo mu Bufaransa, aho yatanzweho miliyoni 5 z’ama-euro, ariko ntihatangajwe igihe amasezerano ye azamara.

12. Rick Karsdorp

Karsdorp w’imyaka 22, akina nka myugariro, aho yavuye muri Feyenoord, ajya muri AS Roma, ku myaka 5 atangwaho miliyoni 14 z’ama-euro.

13. Ever Banega

Ku myaka 28, Banega ukina hagati mu kibuga, yamaze kugaruka muri Seville yo muri Espagne, avuye muri Inter Milan yo mu Butaliyani, aho yatanzweho miliyoni 9 z’ama-euro mu gihe cy’imyaka 3.

14. Paul Baysse

Myugariro w’imyaka 29 wakiniraga ikipe ya Nice yamaze kwerekeza muri Malaga muri Espagne, ku masezerano y’imyaka 3, ariko ntihatangajwe amafaranga yatanzweho.

15. Salvatore Sirigu

Ku myaka 30, uyu munyezamu wakiniraga PSG mu bufaransa, yerekeje mu Butaliyani muri Torino, ku masezerano y’imyaka 2, yigurishij ni nyuma yo kumvikana kw’impande zombi.

16. Diego Llorente

Myugariro w’imyaka 23 wakiniraga Real Madrid yerekeje muri Real Sociedad mugihe cy’imyaka 4, kuri miliyoni 7 z’ama-euro.

17. Bertrand Traoré

Rutahizamu w’ikipe ya Chelsea wari mu ntizanyo muri Ajax, ku myaka 21, yatanzwe muri Lyon yo mu Bufaransa, ku masezerano y’imyaka 5, agurwa miliyoni 10 z’ama-euro.

18. Valère Germain

Rutahizamu w’imyaka 27 wakiniraga ikipe ya AS Monaco yerekeje muri Marseille ku masezerano y’imyaka 4, atanzweho miliyoni 8 z’ama-euro.

19. Mohamed Salah

Umukinnyi wo hagati ukina asatira izamu ukomoka mu Misiri, ku myaka 25 yavuye muri Roma yerekeza muri Liverpool atanzweho miyoni 42 z’ama-euro, aho yasinye imyaka 5.

20. Nicolas Pepe

Ku myaka 21, Nicolas Pepe ukina inyuma ku ruhande, yavuye muri Angers ajya muri Lille, amakipe yombi yo mu Bufaransa, aho ku myaka 5 yatanzweho miliyoni 10 z’ama-euro.

21. Fernando Marçal

Myugariro w’imyaka 28 wakiniraga Benfica muri Portugal, yaguzwe na Lyon imyaka 4, imutangaho miliyoni 4,5 z’ama-euro.

22. Jordan Pickford

Ku myaka 23, Uyu wahoze ari umunyezamu wa Sunderland yabaye umunyezamu wa gatatu uhenze mu mateka ku Isi, agurwa na Everton miliyoni 34 z’ama-euro mu gihe cy’imyaka 5.

23. Andre Silva

Rutahizamu w’imyaka 21 wavuye muri Porto yerekeza muri AC Milan ku myaka 5, atanzweho miliyoni 38 z’ama-euro.

24. Mathieu Valbuena

Uyu mukinnyi ukina hagati asatira izamu, ku myaka 32 yavuye iwabo mu Bufaransa muri Lyon, ajya muri Fenerbahçe yo muri Turquie atanzweho miliyoni 2 z’aam-euro ku myaka 3.

25. Corentin Tolisso

Ku myaka 22, Tolisso ukina mu mutima wa ba myugariro, yavuye muri Lyon ajya muri Bayern Munich, atanzweho miliyoni 41,5 z’ama-euro, ku myaka 5.

26. Victor Lindelof

Myugariro w’imyaka 22 waguzwe na Manchester United avuye muri Benfica, atanzweho miliyoni 40 z’ama-euro mu gihe cy’imyaka 5.

27. Christ-Emmanuel Faitout Maouassa

Ku myaka 18 gusa, Nancy yatanze uyu myugariro mu ikipe ya Rennes, ku masezerano n’amafaranga bitatangajwe.

28. Jérémy Ménez

Ku myaka 30, rutahizamu wa Bordeaux yerekeje muri Antalyaspor yo muri Turquia ku masezerano n’amafaranga bitatangajwe.

29. Ricardo Rodriguez

Rodriguez w’imyaka 24 yavuye muri Wolfsburg ajya muri AC Milan mu Bitaliyani, uyu mugariro yaguzwe miliyoni 18 mu gihe cy’imyaka 4.

30. Maximilian Philipp

Ku myaka 23, uyu mukinnyi ukina hagati mu kibuga, yavuye muri Friborg ajya muri Borussia Dortmund, bivugwa ko yaba yaratanzweho miliyoni 20 z’ama-euro mu gihe cy’imyaka 5.

31. Bernardo Silva

Umukinnyi ukina hagati mu kibuga asatira izamu, ku myaka 22 yaguzwe na Manchester City, aho mu myaka 5 yasinye, yatanzweho miyoni 50 z’ama-euro.

32. Benoît Costil

Ku myaka 29, uyu munyezamu wafatiraga Rennes yerekeje muri Bordeaux ku buntu, asinya imyaka 4.

33. Youri Tielemans

Kuri miliyoni 25 z’ama-euro, Tielemans yaguzwe na Monaco avuye muri Anderlecht ku masezerano y’imyaka 4. Uyu akina mu kibuga hagati ndetse afite imyaka 20.

34. Franck Kessié

Ku myaka 20, uyu musore w’imyaka 20 ukina mu kibuga hagati asatira izamu, yavuye muri Atalanta ajya muri AC Milan, aho bivugwa ko yahawe imyaka 2, akazatangwaho ashobora kugera kuri miliyoni 30 z’ama-euro.

35. Pablo Zabaleta

Myugariro wakiniraga Manchester City, ku myaka 32 yagiye muri West Ham ku masezerano y’imyaka 2, ku buntu.

36. Mateo Musacchio

Ku myaka 26, myugariro Musacchio yavuye muri Villarreal ajya muri AC Milan, aho yatanzweho miliyoni 18 z’ama-euro mu gihe cy’imyaka 4.

37. Dominic Solanke

Ku myaka 19, Liverpool yasinyije uyu mwana imukuye muri Chelsea, aho igihe yasinye cyitatangajwe ndetse bivugwa ko yagiye ku buntu gusa hari amafaranga Liveropool izishyura nyuma yo kugenwa n’inkiko.

38. Klaas-Jan Huntelaar

Ku myaka 33, rutahizamu wa Schalke yerekeje muri Ajax Amsterdam mu gihe cy’umwaka umwe, ku buntu.

39. Idriss Carlos Kameni

Ku myaka 33, uyu munyezamu wakiniraga Malaga ukomoka muri Cameroun, yerekeje muri Fenerbahçe asinye imyaka 3, aho yatanzweho miliyoni 2,6 z’amadolari y’Amerika.

40. Emmanuel Emenike

Uyu mukinnyi w’umunya-Nigeria yamaze kuva muri Fenerbahçe yerekeza muri Olympiacos yo mu Bugereki, aho yasinye amasezerano y’igihe gito. Bivugwa ko yatanzweho miliyoni 2 z’ama-euro, agasinya umwaka umwe.

41. Willy Caballero

Ku myaka 35, uyu mugabo ukomoka muri Argentine wari umunyezamu muri Manchester City yayivuyemo ajya muri Chelsea, ku buntu.

42. Asmir Begovic

Ku myaka 30, Begovic yagurishijwe na Chelsea muri Bournemouth muri Gicurasi uyu mwaka.

43. Ederson Moraes

Ku myaka 23, Manchester City yaguze uyu munyezamu wa Benfica, atanzweho miliyoni 35 z’ama-pound, aba umunyezamu wa kabiri uhenze mu mateka ya ruhago ku Isi inyuma ya Buffon.

44. Sead Kolasinac

Uyu myugariro w’imyaka 24 yaguzwe na Arsenal avuye muri Schalke, ku buntu.

45. Jermain Defoe

Rutahizamu w’umwongereza, ku myaka 34 yavuye muri Sunderland ajya muri Bournemouth ku buntu.

46. Nathan Ake

Bournemouth yamuguze muri Chelsea tatanzweho miliyoni 20 z’ama-pound, £20m.

47. Juan Cuadrado

Chelsea yagurishije uyu mukinnyi muri Juventus kuri £17.3m.

48. Christian Atsu

Chelsea yagurishije uyu mukinnyi ukomoka muri Ghana muri Newcastle, kuri £6.23m.

49. Jay Rodriguez

Yaguzwe na West Bromwich Albion avuye muri Southampton kuri £15m.

Abandi bakinnyi baguzwe na Everton

  • Davy Klaassen - Ajax, £23.6m
  • Henry Onyekuru - Eupen, amafaranga yaguzwe ntiyatangajwe
  • Sandro Ramirez - Malaga, £5.25m
Map : Ahabanza  \  Burayi  \  Kugura abakinnyi

Ibitekerezo byatanzwe kuri iy'inkuru

  1. Ntaganda yves

    Kuya 7-07-2017 saa 10:26'

    rivepoor iri kwiyubaka kabisa nikomerezaho

  2. enock - hou ston

    Kuya 7-07-2017 saa 06:24'

    mbona ni sawa gusa


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru