RUHAGOYACU.com

Lyon yaguze Marcelo, Milan AC igura Bonucci, Barça igura Semedo, City igura Walker

Ikipe ya FC Barcelone yamaze gusinyisha imyaka 5 myugariro wo mu gihugu cya Portugal; Nelson Semedo nyuma yo gukora ikizamini cy’ubuzima kuri uyu wa Gatanu.

Semedo ukina inyuma iburyo, yakoze ikizamini cy’ubuzima mu gitondo, yerekanwa nk’umukinnyi mushya wa FC Barcelone nimugoroba, ni nyuma yaho amakipe yombi (FC Barcelone na Benfica) yumvikanye.

Bacelone ikaba itanga miliyoni 30 z’ama-euro kuri uyu mukinnyi, ikazongeraho izindi miliyoni 5 nyuma.

Bonucci yagarutse i Milan.....

Nyuma yo kumara imyaka 7 mu ikipe ya Juventus de Turin, myugariro w’umutaliyani Leonardo Bonucci w’imyaka 30 yerekeje muri Milan ku masezerano y’imyaka 2, atanzweho miliyoni 40 z’ama-euro.

Uyu mugabo abaye umukinnyi wa munani Milan AC iguze muri iyi mpeshyi, inyuma ya Musacchio, Kessie, Borini, Andre Silva, Conti, Ricardo Rodriguez na Calhanoglu.

Lyon yaguze Marcelo....

Ikipe ya Olympique Lyonnais yamaze kugura myugariro ukomoka muri Brazil; Marcelo wakiniraga ikipe ya Besiktas muri Turquie.

Uyu mukinnyi w’imyaka 30, wavuye muri Brazil mu 2008, amaze gukina mu Buholandi, mu Budage no muri Turquie.

Klye Walker yamaze gusinya muri Manchester City

Ikipe ya Manchester City yo mu Bwongereza yamaze kugura Umwongereza Kyle Walker ukina inyuma ku ruhande rw’iburyo ku masezerano y’imyaka 5.

Uyu mugabo w’imyaka 27 yerekeje muri Manchester City kuri uyu wa Gatanu nyuma yaho amakipe yombi yemeranyijwe kuri miliyoni 50 z’ama-pound, aba myugariro wa mbere uhenze mu mateka y’umupira w’amaguru.

Map : Ahabanza  \  Burayi  \  Kugura abakinnyi

Ibitekerezo byatanzwe kuri iy'inkuru

  1. Christian Yakin

    Kuya 15-07-2017 saa 02:49'

    Millan ac yakoze deal kabisa kuzana Bonuci nibyo twashakaga kuko bazanye aba attaquant habura defence ubu mbona City igiye guhomba ifaranga ryinshi kabisa barigupfusha nabi amafaranga gusa dukeje Barca kuba yazanye semedo arashoboye. turashima kumakuru muduha ndi hano Missouri USA ikibazo nuko sinza mbona igitekerezo canje kandi nandika canee gusa turashima kuba muduha amakuru meza


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru