RUHAGOYACU.com

Lyon yasinyishije rutahizamu wa Chelsea

Ikipe ya Olympic Lyonnais yo mu gihugu cy’u Bufaransa yamaze kugura rutahizamu w’ikipe ya Chelsea; Betrand Traore ku masezerano y’imyaka itanu.

Babinyujije kuri Twitter yabo, ikipe ya Lyon yatangaje ko yaguze uyu mukinnyi miliyoni 10 y’ama-euro, €10m (£8.8m) ku masezerano y’imyaka itanu.

Umuyobozi w’ikipe ya Lyon; Jean Michel Aulas yavuze ko kandi ikipe ya Chelsea izahabwa 15% ku mafaranga azagurishwa uyu mukinnyi mu minsi iri imbere mu gihe kandi ifite uruhare rwo kugena indi kipe yakwerekezamo.

Lyon yasinyishije Bertrand Traore ukomoka muri Burkina FasoLyon yasinyishije Bertrand Traore ukomoka muri Burkina Faso

Bertrand Traore w’imyaka 21 yari amaze umwaka umwe mu ntizanyo, mu ikipe ya Ajax yo mu Buholandi, aho yatsinze ibitego 9 mu mikino 24 yakinnye muri Eredivise, shampiyona yabo, ikipe ya Ajax igasoza iri ku mwanya wa kabiri, inyuma ya Feyenoord yatwaye shampiyona.

Iyi kipe yo mu Buholandi ikaba kandi yarageze ku mukino wa nyuma wa Europa League, itsindwa na Manchester United ibitego 2-0, ni nyuma yaho bari basezereye Lyon muri 1/2, aho uyu mukinnyi yabatsinze ibitego bibiri.

Lyon yashoje shampiyonay’u Bufaransa iri ku mwanya wa kane, ibona itike yo kwitabira Europa League y’umwaka utaha w’imikino.

Iyi kipe ikaba kandi igeze kure ibiganiro na Real Madrid kugira ngo igure rutahizamu wayo; Mariano Diaz nk’uko byemezwa na Jean Michel Aulas.

Map : Ahabanza  \  Burayi  \  Kugura abakinnyi

Ibitekerezo byatanzwe kuri iy'inkuru

  1. Shalom M. A.

    Kuya 27-06-2017 saa 09:11'

    Aje Gusimbura Alexandre Lacazette, sha OL ifite ibibazo kbxa. Jean Michael Aulas kongera gutwara league title byamugora. arabamaze abagurisha ngo azakurikizaho na Eliakim Mangala.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru