RUHAGOYACU.com

Manchester City yaguze umwe mu banyezamu bahenze ku Isi

Ikipe ya Benfica yo mu gihugu cya Portugal yatangaje ko uwari umunyezamu wayo; Ederson yerekeje mu ikipe ya Manchester City kuri miliyoni 34,700 by’ama-pound (£34.7m).

N’ubwo ikipe ya Manchester City itaremeza aya makuru ndetse ikavuga ko bitararangira, iyi kipe igurisha uyu munyezamu yo yemeje ko azayivamo akajya muri Manchester City ndetse icya kabiri cy’amafaranga azagura uyu munyezamu w’imyaka 23 azajya mu yandi makipe yanyuzemo arimo ikipe ya Rio Ave muri Brazil, iyi yahoze akinira.

Ederson yageze muri Benfica afite imyaka 16 gusa, ariko aza gusezererwa nyuma y’imyaka ibiri, aho yahise ajya muri Ribeirao na yo yo muri Portugal mbere yo gusubira muri Rio Ave iwabo muri Brazil.

Uyu munyezamu yagarutse kuri Estadio Luz mu mpeshyi ya 2015, afasha iyi kipe kwegukana ibikombe bibiri bya shampiyona ya Portugal ndetse n’ibikombe bitatu by’igihugu.

Benfica yemeje ko uwari umuzamu wayo Ederson yaguzwe na Manchester CityBenfica yemeje ko uwari umuzamu wayo Ederson yaguzwe na Manchester City

Ederson yahamagawe inshuro imwe mu ikipe y’igihugu ya Brazil, muri Werurwe uyu mwaka, ariko nta mukino n’umwe arakinira igihugu cye.

Uyu munyezamu akaba azahanganira umwanya na Claudio Bravo wagowe cyane mu mwaka we wa mbere muri Manchester City kuva avuye muri FC Barcelone mu gihe Willy Cabalero asohoka muri iyi kipe.

Ederson akaba ari mu banyezamu bahenze ku Isi dore ko kuri ubu uwaguzwe menshi ari Gianluigi Buffon waguzwe miliyoni 53 z’ama-euro angana £32.6m ubwo yavaga muri Palma ajya muri Juventus mu 2001.

Ugendeye ku gaciro k’ifaranga gahari uyu munsi, uyu munyezamu yaba aciye agahigo ko kugurwa menshi muri sterling (amafaranga akoreshwa mu Bwongereza) miliyoni 40 z’ama-euro= 35 z’ama-pound, ariko mu ma-euro ho ntabwo ageze ku ya Buffon.

Manchester City kandi ikaba yaramaze kugura Bernardo Silva kuva mu ikipe ya Monaco kuri miliyoni 43 z’ama-pound (£43m).

Map : Ahabanza  \  Burayi  \  Kugura abakinnyi

Ibitekerezo byatanzwe kuri iy'inkuru

  1. twizerimana daniel

    Kuya 21-06-2017 saa 18:26'

    amakuru ya man u nabo iteganya kugura

  2. twizerimana daniel

    Kuya 21-06-2017 saa 18:26'

    amakuru ya man u nabo iteganya kugura


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru