RUHAGOYACU.com

Real Madrid na Atletico Madrid zahagaritswe kugura abakinnyi

Amakipe ya Real Madrid na Atletico Madrid yo mu gihugu cya Espagne, ntazitabira isoko ry’igura ku nshuro ebyiri zitaha, ni nyuma yo gufatirwa ibihano ashinjwa kuba yaragiye agura abakinnyi bari munsi y’imyaka 18 mu buryo bunyuranyije n’amategeko.

Aya makipe aheruka guhurira ku mukino wa nyuma wa Uefa Champions League, yafatiwe ibihano n’akanama ka Fifa gashinzwe imyitwarire kuri uyu wa Kane,nyuma yaho iki cyemezo cyari cyemejwe muri Mutarama, ariko aya makipe yombi akaza kujurira.

Real Madrid yaciwe ibihumbi 360,000 by’amafaranga akoreshwa mu Busuwisi, Atletico Madrid icibwa 900,000.

Amakipe yombi akaba yatangaje ko yiteguye kongera kujurira mu rukiko rwa siporo, Court of Arbitration for Sport (CAS).

Mu 2015, FC Barcelone nayo yo muri Espagne yahawe ibihano nk’
ibi nayo izira kugura abakinnyi bakiri bato mu buryo butanyuze amategeko.

Real Madrid na Atletico ntizizitabira isoko ry’igura muri Mutarama 2017 no mu mpeshyi ya 2017, aho zizongera kugura muri Mutarama 2018.

Map : Ahabanza  \  Burayi  \  Kugura abakinnyi

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru