RUHAGOYACU.com

Arsenal yongeye kunganya, Wenger avuga ko yari kwiyahura iyo batsindwa na Chelsea

Igitego cya Hector Bellerin mu minota y’inyongera y’umukino, cyafashije ikipe ya Arsenal kunganya na Chelsea ibitego 2-2 mu mukino w’umunsi wa 22 wa shmpiyona y’icyiciro cya mbere mu Bwongereza (English Premier League) wabaye kuri uyu wa Gatatu.

Arsenal yari yakiriye Chelsea ku kibuga cyayo cya Emirates, yabonye uburyo butandukanye bwashoboraga gutanga igitego mu minota ya mbere y’umukino, ariko ubwabonye na Alexis Sanchez ndetse na Alexandre Lacazette ntibwagira icyo butanga mu gihe Mesut Ozil yabonye umupira we ugarurwa n’izamu mbere yo gufatwa n’umunyezami Thibaut Courtois wigaragaje mu gice cya mbere.

Chelsea na yo yashoboraga kubona igitego mu minota 45 ibanza, ariko Alvaro Morata atera hanze umupira mwiza yabonye, agasigana n’umunyezamu Petr Cech.

Ozil yabuze igitego ku mupira we wagaruwe n'izamu mbere yo gufatwa na CourtoisOzil yabuze igitego ku mupira we wagaruwe n’izamu mbere yo gufatwa na Courtois
Alvaro Morata yahushije uburyo butatu bwari kuvamo igitegoAlvaro Morata yahushije uburyo butatu bwari kuvamo igitego

Arsenal yafunguye amazamu ku munota wa 63 w’umukino ku gitego cyatsinzwe na Jack Wilshere gusa kishyurwa na Eden Hazard nyuma y’iminota ine gusa, ni kuri penaliti yinjijwe n’uyu mukinnyi ukomoka mu Bubiligi ubwo yari amaze gukorerwa ikosa na Hector Bellerin mu rubuga rw’amahina.

Jack Wilshere yafunguye amazamu ku ruhande rwa ArsenalJack Wilshere yafunguye amazamu ku ruhande rwa Arsenal
Hazard yishyuye kuri penaliti yari amaze gukorerwahoHazard yishyuye kuri penaliti yari amaze gukorerwaho

Habura iminota itandatu ngo isanzwe y’umukino irangire, Chelsea bagize icyizere cy’amanota atatu y’umukino ubwo Marcos Alonso yatsindaga umupira wari uhinduwe na Davide Zappacosta wari umaze gusimbura, ariko ku munota wa kabiri w’inyongera Hector Bellerin yaje kwisjyurira Arsenal igitego cyatumye amakipe yombi agabana amanota yo kuri uyu mugoroba.

Chelsea babonye amahirwe ya nyuma muri uyu mukino, ariko ishoti rya Zappacosta rigarurwa n’izamu ryari ririnzwe na Petr Cech.

Chelsea yizeye amanota atatu ku gitego cya kabiri yatsindiwe na Marcos Alonso habura iminota itandatu ngo umukino urangire....Chelsea yizeye amanota atatu ku gitego cya kabiri yatsindiwe na Marcos Alonso habura iminota itandatu ngo umukino urangire....
Gusa iminota y'inyongera yasobanuye ibindi ubwo Hector Bellerin yishyuriraga Arsenal, bakagabana amanotaGusa iminota y’inyongera yasobanuye ibindi ubwo Hector Bellerin yishyuriraga Arsenal, bakagabana amanota

Mu kiganiro n’itangazamakuru nyuma y’umukino, umutoza w’ikipe ya Arsenal; Arsene Wenger yavuze ko atishimiye penaliti umusifuzi Anthony Taylor yahaye Chelsea, ko ari ibyo watanga penaliti 10 mu mukino.

Uyu mugabo yavuze ko kandi iyo batsindwa na Chelsea yari kwiyahura.

Arsene Wenger yemeje ko kandi yiteguye kwiregura ku bihano ashobora gufatirwa n’Ishyirahamwe ry’umupira w’amaguru mu Bwongereza nyuma y’amagambo yatangaje ku Cyumweru ku basifuzi, ubwo banganyaga na West Bromwich Albion.

Wenger utishimiye penaliti yahawe Chelsea....Wenger utishimiye penaliti yahawe Chelsea....
Yavuze ko yari kwiyahura iyo batakaza uyu mukinoYavuze ko yari kwiyahura iyo batakaza uyu mukino

Arsenal: Cech; Chambers (Walcott 88), Mustafi, Holding; Bellerin, Wilshere, Xhaka, Maitland Niles; Ozil, Sanchez; Lacazette (Welbeck 80).

Abasimbura batakoreshejwe: Mertesacker, Ospina, Iwobi, Coquelin, Elneny.

Chelsea: Courtois; Azpilicueta, Christensen, Cahill; Moses (Zappacosta 56), Bakayoko, Kante, Fabregas (Drinkwater 70), Alonso; Hazard (Willian 81), Morata.

Abasimbura batakoreshejwe: Caballero, Rudiger, Pedro, Batshuayi.

Uko amakipe yatsindanye ku munsi wa 22 muri Premier League

Kuwa Mbere

Brighton & Hove Albion 2 - 2 AFC Bournemouth
Burnley 1 - 2 Liverpool
Leicester City 3 - 0 Huddersfield Town
Stoke City 0 - 1 Newcastle United
Everton 0 - 2 Manchester United

Kuwa Kabiri

Southampton 1-2 Crystal Palace
Swansea City 0-2 Tottenham Hotspur
West Ham United 2-1 West Bromwich Albion
Manchester City 3-1 Watford

Kuwa Gatatu

Arsenal 2-2 Chelsea

Kuwa Kane

22:00 Tottenham Hotspur vs West Ham United

Urutonde:

  1. Manchester City 62
  2. Manchester United 47
  3. Chelsea 46
  4. Liverpool 44
  5. Tottenham 40
  6. Arsenal 39
  7. Burnley 34
  8. Leicester City 30
  9. Everton 27
  10. Watford 25
  11. Huddersfield Town 24
  12. Brighton & Hove Albion 23
  13. Newcastle United 22
  14. Crystal Palace 22
  15. AFC Bournemouth 21
  16. West Ham United 21
  17. Southampton 20
  18. Stoke City 20
  19. West Bromwich Albion 16
  20. Swansea City 16

Abakinnyi bamaze gutsinda ibitego byinshi:

  1. Harry Kane (Tottenham) 18
  2. Mohamed Salah (Liverpool) 17
  3. Raheem Sterling (Man City) 14
  4. Sergio Agüero (Man City) 13
  5. Álvaro Morata (Chelsea) 10
  6. Romelu Lukaku (Man United) 10
  7. Wayne Rooney (Everton) 10
Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru