RUHAGOYACU.com

Ese Liverpool niyo ihagarika Man City? Ibyatangajwe n’Amakuru avugwa mbere y’umukino

Amakipe ya Liverpool na Manchester City arahurira mu mukino w’umunsi wa 23 wa shampiyona, uyu witezwe kurusha iyindi iba mu mpera z’iki cyumweru.

Liverpool izakira Manchester City kuri iki Cyumweru guhera saa 18:00 i Anfield, iraba yongera kugarura mu kibuga rutahizamu wayo igenderago muri uyu mwaka w’imikino; Mohamed Salah utarakinnye imikino ibiri iheruka bitewe n’imvune.

Mo Salah yasibye imikino ibiri iheruka Liverpool yakinnyeMo Salah yasibye imikino ibiri iheruka Liverpool yakinnye

Nathaniel Clyne, Jordan Henderson, Alberto Moreno na Daniel Sturridge nibo bakinnyi bakiri hanze ku ruhande rw’iyi kipe y’umutuku.

Ku ruhande rwa Manchester City; byitzwe ko umutoza Pep Guardiola agaruramo ikipe ye ikomeye, ni nyuma yaho aruhukije bamwe ku mukino wa FA Cup batsinzemo ikipe ya Bristol City nubwo baza kuba badafite rutahizamu Gabriel Jesus na ba myugariro; Vincent Kompany na Benjamin Mendy.

Gabriel Jesus ni umwe mu bakinnyi ba Manchester City bari mu mvuneGabriel Jesus ni umwe mu bakinnyi ba Manchester City bari mu mvune

Manchester City ntiratsindwa na rimwe mu mikino 22 ya shampiyona bamaze gukina, aho hategerejwe kurebwa nibaikipe ya Liverpool ikunze kuyigora, ariyo ishobora kuyihagarika kuri iyi nshuro. Manchester City batsinze umukino umwe mu mikino yose bakiniye i Anfield kuva mu 1981.

“Birashimishije gukina na City. Bakina neza pe, ibyo utabihaye agaciro waba ufite ibibazo.”

“Ikindi kandi na we udakinnye umukino wawe witonze, waba ufite ibibazo. Ugomba kwigaragaza.”- Jurgen Klopp, umutoza wa Liverpool.

“Birumvikana iyo ushaka kugera ku kintu cyiza no gutwara ibikombe, ugomba gutsinda imikino nk’iyi.”

“Uyu mwaka dushoboye kubikora ariko kandi turacyafite kujya Anfield, kwa Tottenham, Hari indi mikino myinshi yo gukina.”

“Gusa umukino wa Liverpool ni umwe muri iyo, wo kureberaho koko niba hari ibintu bikomeye twakora muri uyu mwaka w’imikino, mu byiciro by’ingenzi, no muri Champions League."- Pep Guardiola, umutoza wa Manchester City.

Pep Guardiola na Jurgen Klopp baraza kwisobanura kuri iki CyumweruPep Guardiola na Jurgen Klopp baraza kwisobanura kuri iki Cyumweru

Mu mikino yose uko ari 16 Manchester City imaze guknira ku kibuga cya Liverpool kuva mu 2003, nta ntsinzi irahakura, ndetse ubwo iheruka gutsinda Liverpool mu mikino yombi ya shampiyona ni mu 1936-37, umwaka begukanyemo shampiyona.
Ibitego 5-0 batsinze Liverpool muri Nzeli 2017, byari inshuro ya mbere babashije kwinjiza ibitego bitanu cyangwa birenze bitanu mu izamu rya Liverpool kuva muri Werurwe 1937.

Manchester City yari yatsinze Liverpool 5-0 mu mukino ubanzaManchester City yari yatsinze Liverpool 5-0 mu mukino ubanza
.
Liverpool imaze imikino 17 yikurikiranya idatsinswa mu marushanwa yose, aho baheruka gutakaza batsindwa na Tottenham tariki ya 22 Ukwakira 2017.
Liverpool imaze imikino 11 idatsindwa mu rugo, ibi yabiherukaga mu mwaka w’imikino 2011-12.

Umunsi wa 23 muri Premier League

Kuwa Gatandatu

Chelsea 0-0 Leicester
Crystal Palace 1-0 Burnley
Huddersfield 1-4 West Ham
Newcastle 1-1 Swansea
Watford 2-2 Southampton
West Bromwich 2-0 Brighton
Tottenham 4-0 Everton

Ku Cyumweru

15:30 AFC Bournemouth vs Arsenal
18:00 Liverpool vs Manchester City

Kuwa Mbere

22:00 Manchester United vs Stoke City

Amakipe 5 ya mbere:

  1. Manchester City 62
  2. Manchester United 47
  3. Chelsea 47
  4. Liverpool 44
  5. Tottenham 44
Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru

  1. NIMBONA.ELYSE

    Kuya 14-01-2018 saa 13:56'

    JEWEMVUKA.MUNTARAYA .CIBITOKI.COMINE.MUGINA.UMUFANA.WA.BARCELONA


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru