RUHAGOYACU.com

Liverpool ikoze ibyananiye abandi, itsinda Manchester City bigoranye

Nyuma y’imikino 22 yari imaze kuba muri Premier League, Liverpool yari yatsinzwe na Manchester City ibitego 5-0 mu mikino ibanza, ibaye ikipe ya mbere iyihagaritse, ituma itakaza umukino wa mbere muri shampiyona y’uyu mwaka, iyitsinze ibitego 4-3.

Liverpool yari yakiriye uyu mukino w’umunsi wa 23 i Anfield, ikibuga gikunda kugora Manchester City dore ko yahaboneye intsinzi imwe kuva mu 1981, yafunguye amazamu hakiri kare ku gitego cyatsinzwe na Alex Oxlade-Chamberlain ku mupira wa Roberto Firmino, ku munota wa cyenda gusa w’umukino.

Manchester City yaje muri uyu mukino itaratsindwa na rimweManchester City yaje muri uyu mukino itaratsindwa na rimwe

Manchester City bagarutse mu mukino ndetse babasha kwishyura iminota itanu imbere y’uko amakipe yombi ajya kuruhuka binyuze kuri Leroy Sane, ariko Liverpool yongera kuyobora umukino ku munota wa 59, ubwo yatsindaga Manchester City ibitego bibiri byihuse, Roberto Firmino na Sadio Mane ku munota wa 61 w’umukino.

Amakosa y’umunyezamu wa Manchester City; Ederson wateye imbere umupira nabi akawihera Mohamed Salah, yatumye Liverpool ibona igitego cya kane ku munota wa 68 w’umukino binyuze kuri uyu munya-Misiri ndetse abafana ba Liverpool batangira kubyina intsinzi.

Sadio Mane atsinda igitego cya kane cya gatatu cya LiverpoolSadio Mane atsinda igitego cya kane cya gatatu cya Liverpool

Liverpool yongeye kugaragaza imbaraga nke mu bwugarizi ubwo yishyurwaga ibitego bibiri ku munota wa 84 n’uwa 90 binyuze kuri Bernardo Silva na Ilkay Guendogan, ndetse yashobora kwishyurwa igitego cya kane mu minota y’inyongera, ariko Sergio Aguero umpire we ntiwajya mu izamu.

Manchester City ibifashijwemo na'aarimo Bernardo Silva yashoboraga kwishyura ibitego yatsinzweManchester City ibifashijwemo na’aarimo Bernardo Silva yashoboraga kwishyura ibitego yatsinzwe

Umukino warangiye ikipe y’umutoza Jurgen Klopp ihagaritse Manchester City n’umutoza Pap Guardiora bari bamaze kugeza ku mikino 22 ya shampiyona badatsindwa.

Arsenal idafite Sanchez yatsindiwe ku kibuga cya Bournemouth

Mu wundi mukino wabaye kuri iki Cyumweru, Arsenal yari yerekeje ku kibuga cya AFC Bournemouth idafite Alexis Sanchez wifuzwa n’amakipe yombi y’I Manchester, yatsinzwe na Bournemouth ibitego 2-1.

Ikipe y’umutoza Arsene Wenger ni yo yafunguye amazamu ku gitego cyatsinzwe na Hector Bellerin ku munota wa 52 w’umukino, ariko Callum Wilson na Jordon Ibe batsindira Bournemouth ibitego byahesheje intsinzi ikipe yari mu rugo ku munota wa 70 n’uwa 74.

Callum Willson ahanganiye umupira na Callum Chambers wa ArsenalCallum Willson ahanganiye umupira na Callum Chambers wa Arsenal
Arsene Wenger yasozaga ibihano by'imikino itatu adatozaArsene Wenger yasozaga ibihano by’imikino itatu adatoza

Umunsi wa 23 muri Premier League

Kuwa Gatandatu

  • Chelsea 0-0 Leicester
  • Crystal Palace 1-0 Burnley
  • Huddersfield 1-4 West Ham
  • Newcastle 1-1 Swansea
  • Watford 2-2 Southampton
  • West Bromwich 2-0 Brighton
  • Tottenham 4-0 Everton

Ku Cyumweru

  • AFC Bournemouth 2-1 Arsenal
  • Liverpool 4-3 Manchester City

Kuwa Mbere

  • 22:00 Manchester United vs Stoke City

Amakipe 6 ya mbere:

  1. Manchester City 62
  2. Manchester United 47
  3. Liverpool 47
  4. Chelsea 47
  5. Tottenham 44
  6. Arsenal 39
Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru