RUHAGOYACU.com

Man Utd yanyagiye Leicester, isatira amakipe ayiri imbere-Chelsea yongera amahirwe y’igikombe

Manchester United imaze amezi agera kuri 4 ibarizwa ku mwanya wa gatandatu, ni mu gihe igerageza ibishoboka byose bisabwa ngo yitware neza gusa umwanya wo ntuhinduka.

Ku mugoroba w’ejo hashize, nibwo hari hategerejwe kureba niba ikipe ya Manchester United iribubashe kwitwara neza imbere ya Leicester dore ko uyumunsi wa 24 wa wa Shampiyona y’abongereza utahiriye amakipe amwe akomeye arimo na Liverpool yaje gutsikira igatsindwa na Hull City 2-0.

Uyu munsi kandi ntiwanagenze neza Ku ikipe ya Arsenal yaje gutsindwa n’ikipe ya Chelsea ibitego 3-1, byatumye Arsenal itakaza umwanya wayo kuri Manchester City yatsinze Swansea City ibitego 2-1.

Mu mukino waraye uherutse iy’umunsi wa 24 muri Premier League, Manchester United yari yerekeje kuri King Power Stadium ya Leicester City ifite igikombe giheruka, iyitsinda ibitego 3-0.

Henrik Mykhtaryan, Zlatan Ibrahimovic na Juan Mata nibo batsindiye Manchester United, bibafasha gusatira amakipe ari imbere, aho bafite amanota 45 ku mwanya wa gatandatu, inota rimwe inyuma ya Liverpool ya gatanu, amanota 2 inyuma ya Arsenal ya kane.

Gutsindwa kwa Leicester City bikaba bikomeje kuyishyira mu kaga dore ko kuri ubu irusha amanota abiri ikipe ya nyuma ya Sunderland.

Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru

  1. charles

    Kuya 8-02-2017 saa 01:14'

    man UN dushaka ijambo big4 ubundi dusatira igikombe man utd nikomereze ago tuyirinyuma


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru