RUHAGOYACU.com

Manchester United na Liverpool zitangiye neza umwaka wa 2018

Ku munsi wa 22 wa shampiyona y’icyiciro cya mbere mu Bwongereza, ibitego bya Antony Martial na Jesse Lingard bifashije Manchester United gutangira umwaka mushya wa 2018 itsinda Everton 2-0, ni mu gihe kandi na Liverpool yabonaga intsinzi igoranye imbere y’ikipe ya Burnely ku bitego 2-1.

Ku kibuga cyayo, Everton yari yakiriye Manchester United muri uyu mukino wa shampiyona wabimburiye indi mu mwaka wa 2018 ku makipe yombi, ndetse iyi kipe y’umutoza Sam Allardyce itangira ikina neza n’ubwo na Manchester United yari imaze imikino ine nta ntsinzi yanyuzagamo igasatira izamu.

Wayne Rooney wahuraga Manchester United yakiniye imyaka 13, na Paul Pogba bombi bari abakapiteni kuri uyu mugorobaWayne Rooney wahuraga Manchester United yakiniye imyaka 13, na Paul Pogba bombi bari abakapiteni kuri uyu mugoroba
Amakipe yombi yabanje kwibuga abafana ba Everton bitabye Imana Amakipe yombi yabanje kwibuga abafana ba Everton bitabye Imana

Everton yabuze ibitego ku buryo bwageragejwe na Wayne Rooney na Tom Davies mu gice cya mbere cy’umukino ntiyabashije kwihagararaho mu gice cya kabiri, aho yaje gutsindwa igitego cya mbere ku munota wa 57 w’umukino, ku mupira Paul Pogba yahereje Anthony Martial aroba umunyezamu Pickford, hari nyuma y’iminota mikeya umupira wa Juan Mata ugaruwe n’icyuma cy’izamu.

Davies yabonye amahirwe atakunze ku ruhande rwa EvertonDavies yabonye amahirwe atakunze ku ruhande rwa Everton
Martial yafunguye amazamu ku mupira yahawe na Paul PogbaMartial yafunguye amazamu ku mupira yahawe na Paul Pogba
Pickford ntiyabashije gushyikira umupira wagiye mu izamuPickford ntiyabashije gushyikira umupira wagiye mu izamu
Martial yishimira igitego cye cya karindwi muri shampiyona uyu mwakaMartial yishimira igitego cye cya karindwi muri shampiyona uyu mwaka

Manchester United yakomeje gusatira Everton, yizeye intsinzi habura iminota icyenda ngo isanzwe y’umukino irangire, ubwo Paul Pogba yahaga undi mupira Jesse Lingard maze atsinda igitego cya kabiri cyafashije amashitani atukura kugabanya amanota y’ikinyuranyo hagati yayo na Manchester City ya mbere agasigara ari 12, ndetse bibafasha kwisubiza umwanya wa kabiri bawambuye Chelsea.

Jesse Lingard yashimangiye intsinzi ku ruhande rwa UnitedJesse Lingard yashimangiye intsinzi ku ruhande rwa United
Lingard yishimira igitego cye cya 7 muri Premier League uyu mwakaLingard yishimira igitego cye cya 7 muri Premier League uyu mwaka
Pogba na Lingard bishimira igitegoPogba na Lingard bishimira igitego

Everton: Pickford, Holgate, Keane, Williams, Martina, Davies, Schneiderlin, Vlasic, Rooney (McCarthy, 62), Bolasie (Lennon, 62), Niasse

Man United: de Gea, Lindelof, Jones, Rojo, Shaw, Ander Herrera, Matic, Mata (Tuanzebe, 90+2), Pogba, Lingard (Blind, 87), Martial (Rashford, 77).

Mu yindi mikino yabaye kuri uyu wa Mbere, Ragnar Klavan yafashije Liverpool kubona intsinzi imbere ya Burnley mu masegonda ya nyuma y’umukino, ubwo batsindaga ibitego 2-1.

Sadio Mane yari yafunguye amazamu ku ruhande rwa Liverpool yaburaga Coutihno wavunitse, ku munota wa 61, igitego cyishyuwe na Johann Berg Gudmundsson ku munota wa 87 w’umukino. Ikipe y’umutoza Jurgen Klopp ikaba iraye irushwa inota rimwe na Chesea ya gatatu ku rutonde rwa shampiyona.

Sadio Mane afungura amazamu ku ruhande rwa LiverpoolSadio Mane afungura amazamu ku ruhande rwa Liverpool
Burnley bishyuye habura iminota itatu ngo umukino urangireBurnley bishyuye habura iminota itatu ngo umukino urangire
Kalvart yacunguye Liverpool mu minota y'inyongeraKalvart yacunguye Liverpool mu minota y’inyongera
Ni intsinzi yari ikenewe kuri Liverpool batangiye neza umwaka wa 2018Ni intsinzi yari ikenewe kuri Liverpool batangiye neza umwaka wa 2018

Imikino yabaye kuri uyu wa Mbere:

Brighton & Hove Albion 2 - 2 AFC Bournemouth
Burnley 1 - 2 Liverpool
Leicester City 3 - 0 Huddersfield Town
Stoke City 0 - 1 Newcastle United
Everton 0 - 2 Manchester United

Kuwa Kabiri

21:45 Southampton vs Crystal Palace
21:45 Swansea City vs Tottenham Hotspur
21:45 West Ham United vs West Bromwich Albion
22:00 Manchester City vs Watford

Kuwa Gatatu

21:45 Arsenal vs Chelsea

Kuwa Kane

22:00 Tottenham Hotspur vs West Ham United

Urutonde:

  1. Manchester City 59
  2. Manchester United 47
  3. Chelsea 45
  4. Liverpool 44
  5. Arsenal 38
  6. Tottenham 37
  7. Burnley 34
  8. Leicester City 30
  9. Everton 27
  10. Watford 25
  11. Huddersfield Town 24
  12. Brighton & Hove Albion 23
  13. Newcastle United 22
  14. AFC Bournemouth 21
  15. Southampton 20
  16. Stoke City 20
  17. Crystal Palace 19
  18. West Ham United 18
  19. West Bromwich Albion 16
  20. Swansea City 16

Abakinnyi bamaze gutsinda ibitego byinshi:

  1. Harry Kane (Tottenham) 18
  2. Mohamed Salah (Liverpool) 17
  3. Raheem Sterling (Man City) 13
  4. Sergio Agüero (Man City) 12
  5. Álvaro Morata (Chelsea) 10
  6. Romelu Lukaku (Man United) 10
  7. Wayne Rooney (Everton) 10
Map : Ahabanza  \  Burayi  \  Shampiyona

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru