RUHAGOYACU.com

Euro 2016: Ikipe y’Ubwongereza irahabwa amahirwe yo kwitwara neza. Ese bizaphira hehe? (ubushishozi)

Iyi kipe isa nk’ikiri ku ibere, ikomeje kuvugisha benshi amangamvure. Uretse North Irland iri kukigereranyo cy’imyaka 25 n’amezi 6, Ubwongereza ni ikipe ya 2 mu makipe akinisha abakiri bato aho buhagaze ku kigereranyo cya 25 n’amezi 10. Imwe mu maturufu afatika m’umukino w’umupira w’amaguru ugezweho.

Ubwongereza 4-2-3-1: (izamu:Hart; myugariro:Walter,Cahill, Smalling, Rose; hagati: Alli,Dier; imbere:Lallana, Rooney, Sterling; rutahizamu:Kane.)

Abikinnyi nka John Stones w’imyaka 22 uturuka muri Everton, Dele Alli (20), Eric Dier (22), Hary Kane (22) bose baturuka muri Tottenham Hotspur, Raheem Sterling (21) uturuka muri Manchester City ndetse n’ikibondo Marcus Rashford (18) we uturuka muri Manchester United barangije gushimangira umwanya ubanza mu makipe y’ibigugu baturukamo. Ubuto bwabo burongera ubukana n’umunyaruko mu ikipe y’intare eshatu.

Ariko kandi, kuba Ubwongereza bukinisha Hary Kane nka rutahizamu umwe rukumbi si ibyo kwibazaho cyane, kuko bufite imbaraga mu busatirizi wabyemera utabyemera.

Kane niwe warangije shampiyona n’ibitego byinshi 25. Umusimbura we uzaba ushyusyha agatebe Jamie Vardy yarangije shampiyona n’ibitego 24.

Bamwe mu nkerebutsi za ruhago, basanga ariko bidahagije. Umutoza Roy Hodgson aracyarwana no gukoresha umuyoboro w’iburyo. Kuri ubu Lallana arasa nkaho ari we yiringiye, nyuma yo kuhagerageza Jamie Vardy. Gusa kandi, akomeje kw’ibaza niba atakoherezayo Rooney ngo abe ariwe ukemura ibyaho. Ibi bikaba bisa nko guhuzagurika.

K’urundi ruhande, m’umuyoboro w’ibumoso, Raheem Sterling ahagaze neza, cyane ko we yujuje ibikenewe: Umunyaruko, gucenga no kumenya icyo gukora mu gusoma umukino.

Mu bindi bibazo, Ubwongereza buhangayikishijwe n’uburambe bw’abakinnyi babwo. Uretse Wayne Rooney n’imikino 111 mu ikipe y’ubwongereza, Joe Hart (59) na James Milner (60) abandi bose ntawe urengeje imikino 50. Hakiyongeraho n’igihunga cy’uko bwa nyuma buheruka muri ¼ haciye imyaka 20. Ndetse nta na rimwe bwari bwakoza imitwe y’intoki kuri iki gikombe.

Mu kwiregura abatoza nka Sven Goran Eriksson na Fabio Capello bimwe mu byo bakunze kugarukaho nk’impamvu zo kwitwara nabi, ni imikino itagira ingano abongereza bakina m’umwaka w’umupira w’amaguru, shampiyona iba ifite ingufu n’umuvuduko uhambaye ndetse ntihabeho n’ibiruhuko bya Noheri.

Abakurikiranira hafi umupira w’i Burayi bemeza ko hagendereye ku mibare Ubwongereza buza inyuma y’Abafaransa ndetse na Spain, mu makipe yakinnye imikino myinshi ndetse igihe kirekire muri uyu mwaka; kabone n’ubwo mu bipimo Jack Wilshere utararagaye hafi mu mikino yose ya Arsenal FC atabarwamamo.

Ni byo koko shampiyona y’Ubwongereza irihuta kandi isaba ingufu. Ariko kandi ntawakwirengagiza ko abakinnyi barenga 100 bazitabira iri rushanwa bose ari yo bakina. Muri rusange bikaba bigaragara ko Ubwongereza ari ntarundi rwitwazo rufite rwo kutitwara neza muri iki gikombe cy’Uburayi.

Reka tubitege amaso...

Ibitekerezo byatanzwe kuri iy'inkuru

  1. mugisha

    Kuya 8-06-2016 saa 15:00'

    yebe abongereza ntimubazi ninka mavubi bazi gutenguha abafana sibyo muzareba

  2. mgm

    Kuya 8-06-2016 saa 13:41'

    nibagira amahirwe bakarenga amajonjora bazaba barwanye


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru